ହାଇଦ୍ରାବାଦ: ତେଲେଙ୍ଗାନାର ହାଇଦ୍ରାବାଦ ଏୟାରପୋର୍ଟରେ ପୋଲିସ 1 କୋଟି 20 ଲକ୍ଷରୁ ଊର୍ଦ୍ଧ୍ବ ମୂଲ୍ୟର ସୁନାକୁ ଜବତ କରିଛି । ଦୁବାଇରୁ ଏହି ସୁନା ନେଇ ଆସୁଥିବା 2 ବ୍ୟକ୍ତିଙ୍କୁ ପୋଲିସ ଅଟକ ରଖି ଅଧିକ ତଦନ୍ତ ଜାରି ରଖିଛି ।
ଜବତ ହୋଇଥିବା ସୁନାର ମୂଲ୍ୟ 2.4 କେଜି ବୋଲି ଜଣାପଡିଛି । ତେବେ ଏମାନେ ଦୁବାଇରୁ ଏହି ସୁନାର ଚୋରା ଚାଲାଣ କରୁଥିଲେ । ଏହି 2 ଜଣ ବିମାନଯାତ୍ରୀ ତାଙ୍କ ପ୍ୟାଣ୍ଟ ପକେଟରେ ଏହି ହଳଦିଆ ଧାତୁ ବା ସୁନାକୁ ଲୁଚାଇଥିବା ପୋଲିସ ପକ୍ଷରୁ ସୂଚନା ମିଳିଛି । ସେମାନଙ୍କ ସହ ଆଉ କେହି ଏହି ଚୋରା ଚାଲାଣ ଜଡିତ ଅଛି କି ନାହିଁ ସେ ସମ୍ପର୍କରେ କୌଣସି ସୂଚନା ମିଳିନାହିଁ । ପୋଲିସ ସେମାନଙ୍କୁ ଅଟକ ରଖି ଅଧିକ ପଚରାଉଚୁରା କରିବା ସହିତ ସୁନାକୁ ଜବତ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
