ଚେନ୍ନାଇ: ତାମିଲନାଡୁରେ ବିମାନବନ୍ଦରରୁ ବିପୁଳ ପରିମାଣର ସୁନା ଜବତ ହୋଇଛି । ବିମାନବନ୍ଦର କର୍ତ୍ତୃପକ୍ଷ ଦୁଇଜଣ ଦୁବାଇ ଯାତ୍ରୀଙ୍କ ନିକଟରୁ ସୁନା ଜବତ କରିଛନ୍ତି ।
ସୂଚନା ଅନୁଯାୟୀ ଆଜି(ବୁଧବାର) ତାମିଲନାଡୁ ତ୍ରିଚି ବିମାନବନ୍ଦରରୁ ଅଢେଇ କିଲୋଗ୍ରାମର ସୁନା ଜବତ ହୋଇଛି । ଜବତ ସୁନାର ମୂଲ୍ୟ 1.25 କୋଟି ହେବ । ଏୟାର ଇଣ୍ଡିଆ ବିମାନରେ ଦୁବାଇରୁ ଆସିଥିବା ଦୁଇଜଣ ଯାତ୍ରୀଙ୍କ ନିକଟରୁ ଏହି ସୁନା ଜବତ କରାଯାଇଛି । ବିମାନବନ୍ଦର କତ୍ତୃପକ୍ଷଙ୍କ ସୂଚନା ଅନୁଯାୟୀ ଏୟାର ଇଣ୍ଡିଆ ଯୋଗେ ଦୁବାଇରୁ ଆସିଥିବା ଦୁଇଜଣ ଯାତ୍ରୀ ଟ୍ରିଚୀ ବିମାନବନ୍ଦରରେ ଓହ୍ଲାଇଥିଲେ । ପ୍ରଥମ ଚେକିଂ ସମୟରେ ଏମାନଙ୍କ ଶରୀରରେ କିଛି ପଦାର୍ଥ ଥିବା ଜଣାପଡିଥିଲା । ଏହାପରେ ସମ୍ପୃର୍ଣ୍ଣ ଯାଞ୍ଚ ପରେ ଉଭୟଙ୍କ ଜିନ୍ସ ପ୍ୟାଣ୍ଟରୁ ଅଢେଇ କିଲୋଗ୍ରାମ ସୁନା ଜବତ କରାଯାଇଛି ।
ତେବେ ରାମନାଥପୁରମର ଆଜାରୁଦ୍ଦିନ ଓ ଅଥିରାମପତ୍ତିର ହାଜି ମହମ୍ମଦଙ୍କ ନିକଟରୁ ଏହି ସୁନା ଜବତ କରାଯିବା ସହ ଉଭୟଙ୍କୁ ପୋଲିସ ଗିରଫ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
