ମୁମ୍ବାଇ: ଭାରତର ଧନି ତଥା ଅଗ୍ରଣୀ ଶିଳ୍ପପତି ମୁକେଶ ଅମ୍ବାନୀଙ୍କ ଘର ନିକଟରୁ ବିସ୍ଫୋରକ ଜବତ ନେଇ ବଡ ଖବର ସାମ୍ନାକୁ ଆସିଛି । ମୁ୍ମ୍ବାଇ ପେଡର ରୋଡ ଅଞ୍ଚଳରୁ ଏକ ସନ୍ଦିଗ୍ଧ ଗାଡିରେ ଜିଲେଟିନ ଷ୍ଟିକ ମିଳିଛି । ହେଲେ ବିସ୍ଫୋରକର ପ୍ରକାରକୁ ନେଇ ପୋଲିସ ପକ୍ଷରୁ କୌଣସି ସୂଚନା ମିଳିନାହିଁ ।
ମୁକେଶ ଅମ୍ବାନୀଙ୍କ ଘର ଆଣ୍ଟିଲିଆ ନିକଟରୁ ମିଳିଲା ଜିଲେଟିନ ଷ୍ଟିକ
ଗାଡିରେ ଜିଲେଟିନ ଷ୍କିକ ନେଇ ଖବର ମିଳିବା ପରେ ଘଟଣା ସ୍ଥଳରେ ପହଞ୍ଚିଥିଲା ବମ୍ ସ୍କ୍ବାର୍ଡ । ତେବେ ଛାନଭିନ ପରେ ଏଥିରୁ ଜିଲେଟିନ ମିଳିଛି । ତେବେ ଜିଲେଟିନ ମିଳିଥିବା ମୁକେଶ ଅମ୍ବାନୀଙ୍କ ବାସଭବନ ଆଣ୍ଟିଲିଆ ବିଲ୍ଡିଂର କିଛି ଦୂରରେ ମିଳିଛି । ମୁମ୍ବାଇ ପୋଲିସ ତୁରନ୍ତ ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ, ବୁଧବାର ରାତି ପାଖାପାଖି ଗୋଟାଏ ସମୟରେ ଏକ ସ୍କର୍ପିଓ ଗାଡି ମୁକେଶ ଅମ୍ବାନୀଙ୍କ ଘର ପାଖରେ ଛିଡା ହୋଇଥିଲା । ଏଠାରେ 2 ଗାଡି ଦେଖିବାକୁ ମିଳିଥିଲା । ସନ୍ଦିଗ୍ଧ କାର ମିଳିବା ପରେ ଅମ୍ବାନୀଙ୍କ ଘର ପାଖରେ ସୁରକ୍ଷା ବ୍ୟବସ୍ଥା ବଢାଇଦିଆଯାଇଛି ।
