ମୁମ୍ବାଇ: ଏଲଗାର ପରିଷଦ ମାମଲାରେ ଗିରଫ ଆଦିବାସୀ ଅଧିକାର କାର୍ଯ୍ୟକର୍ତ୍ତା ଫାଦର ଷ୍ଟେନ ସ୍ବାମୀଙ୍କ ପରଲୋକ । ମୃତ୍ୟୁବେଳକୁ ତାଙ୍କୁ 84 ବର୍ଷ ହୋଇଥିଲା । ପାନକ୍ରିୟାଜ ସମେତ ଅନେକ ରୋଗରେ ପୀଡିତ ଥିଲେ ଷ୍ଟେନ ସ୍ବାମୀ ।
କୋର୍ଟଙ୍କ ନିର୍ଦ୍ଦେଶ କ୍ରମେ ହସ୍ପିଟାଲରେ ଚାଲିଥିଲା ସ୍ବାମୀଙ୍କ ଚିକିତ୍ସା । ସୋମବାର ସ୍ବାମୀଙ୍କ ଜାମିନ ଆବେଦନ ଉପରେ ବମ୍ବେ ହାଇକୋର୍ଟରେ ଶୁଣାଣି ଚାଲିଥିଲା ।
ଗତମାସ ହାଇକୋର୍ଟରେ ଦସ୍ତାବିଜ ଦାଖଲ କରି ସ୍ବାମୀଙ୍କ ଜାମିନକୁ ବିରୋଧ କରିଥିଲା ଏନଆଇଏ । ରୋଗର କୌଣସି ଠୋସ ପ୍ରମାଣ ନଥିବା ଏନଆଇଏ ପକ୍ଷରୁ କୁହାଯାଇଥିଲା । ସ୍ବାମୀ ମାଓବାଦୀ ବୋଲି ଅଭିଯୋଗ ରହିଥିଲା ।
ଏଲଗାର ପରିଷଦ ମାମଲାରେ 31 ଡିସେମ୍ବର 2017ରେ ପୁଣେରେ ହୋଇଥିବା ଏକ ସମ୍ମିଳନୀରେ ଉସକାଇବା ଭଳି ଭାଷଣ ଦେଇଥିଲେ ଷ୍ଟେନ ସ୍ବାମୀ । ଆଉ ଏହି ଭାଷଣକୁ ନେଇ କୋରେଗାଁ-ଭୀମା ଯୁଦ୍ଧ ସ୍ମାରକ ନିକଟରେ ହୋଇଥିଲା ବ୍ୟାପକ ହିଂସା ।
