ମୁମ୍ବାଇ: ବର୍ବତାର ଟପିଲା ସୀମା । ସାବତ ବାପାର ସିଗାରେଟ ଚେଙ୍କରେ ପୁଅ ଗୁରୁତର । ଏଭଳି ଏକ ଅଭାବନୀୟ ଘଟଣା ସାମନାକୁ ଆସିଛି ମହାରାଷ୍ଟ୍ରରୁ । ଜଣେ 4 ବର୍ଷର ଶିଶୁର ଦେହରେ ସିଗାରେଟ ଚେଙ୍କ ଦିଆଯାଇଛି । ଘଟଣାଟି ସାମ୍ନାକୁ ଆସିଲା ପରେ ଶିଶୁର ଜେଜେ ମାଆ ନାଗପୁରର ୱାଡି ପୋଲିସ ଥାନାରେ ଅଭିଯୋଗ କରିଥିବା ଜଣାପଡିଛି ।
ନାଗପୁର ଭାଧାମନ୍ ଅଞ୍ଚଳରେ ସଂକେଦ ନାମକ ଜଣେ ବ୍ୟକ୍ତି ଦୀର୍ଘଦିନ ଧରି ଜଣେ ମହିଳା ବନ୍ଧୁଙ୍କ ସହିତ ଲିଭ-ଇନ୍ରେ ରହୁଥିଲେ । ଉକ୍ତ ମହିଳାଙ୍କ ପୂର୍ବରୁ ଜନ୍ମିତ ୨ଟି ସନ୍ତାନ ମଧ୍ୟ ତାଙ୍କ ସହିତ ରହୁଥିଲେ । ଦୀର୍ଘ ଦିନ ହେବ ସଂକେଦ ୪ ବର୍ଷର ଶିଶୁ ପୁତ୍ରକୁ ଶାରିରୀକ ନିର୍ଯାତନା ସହ ମାନସିକ ନିର୍ଯାତନା ଦେଉଥିଲେ । ଏମିତି କି ଶିଶୁଟିକୁ ସିଗାରେଟ ଚେଙ୍କ ମଧ୍ୟ ଦେଉଥିବା ଅଭିଯୋଗ ହୋଇଛି । ଅଭିଯୋଗ ଆଧାରରେ ପୋଲିସ ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।
ସୂଚନାଯୋଗ୍ୟ ନାଗପୁର ଭାଧାମନ୍ ଅଞ୍ଚଳରେ ଜଣେ ମହିଳା ନିଜ ସ୍ବାମୀଙ୍କ ଦେହାନ୍ତ ପରେ ସଂକେଦ ନାମକ ଜଣେ ବ୍ୟକ୍ତି ସହିତ ଦୀର୍ଘଦିନ ଧରି ଲିଭ-ଇନ୍ରେ ରହିଆସୁଥିଲେ । ଉକ୍ତ ମହିଳାଙ୍କ ପୂର୍ବରୁ ୨ଟି ସନ୍ତାନ ମଧ୍ୟ ତାଙ୍କ ସହିତ ରହୁଥିଲା । ଯାହାଫଳରେ ଉଭୟ ଶିଶୁ ସଂକେଦଙ୍କୁ ବାପା ବୋଲି ସମ୍ବୋଧନ କରୁଥିଲେ । ସମୟକ୍ରମେ ସଂକେଦ ସେହି ଶିଶୁଙ୍କୁ ମାନସିକ ଏବଂ ଶାରିରୀକ ନିର୍ଯାତନା ଦେଉଥିଲେ । ଏଭଳି କି ଅଭିଯୁକ୍ତ ଜଣକ ସିଗାରେଟ ଚେଙ୍କ ଦେବା ଭଳି ଘୃଣ୍ୟ କାମ କରୁଥିଲେ । ଶିଶୁଟି ନିଜ ଜେଜେ ମାଆଙ୍କୁ ସବୁ ସତକଥା କହିବା ପରେ ଘଟଣାଟି ସାମ୍ନାକୁ ଆଶିଥିଲା । ପରେ ଶିଶୁଟିର ଜେଜେ ମାଆ ନାଗପୁରର ୱାଡି ପୋଲିସ ଥାନାରେ ଅଭିଯୋଗ କରିଥିଲେ ।ଏହି ସବୁ ଘଟଣା ଶିଶୁର ନିଜ ମାଆ ଜାଣି ମଧ୍ୟ କୌଣସି ପ୍ରତିରୋଧ କରୁନଥିବା ଅଭିଯୋଗ କରିଛନ୍ତି ଜେଜେ ମାଆ ।ନାଗପୁର ୱାଡି ପୋଲିସ ଅଭିଯୋଗ ଆଧାରରେ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।
ଏହା ମଧ୍ୟ ପଢନ୍ତୁ..ଇଟାରେ ପିଟି ଜ୍ବାଇଁକୁ ହତ୍ୟା କଲେ ଶ୍ବଶୁର ଘର ଲୋକ
ପୁର୍ବରୁ ଓଡିଶାର ମୟୂରଭଞ୍ଜ ଜିଲ୍ଲାରୁ ଆସିଥିଲା ଏକ ଅଭାବନୀୟ ଘଟଣା । ଘରୋଇ କଳିରୁ ବଳି ପଡିଥିଲା ଦେଢ଼ ମାସର ପୁତ୍ର । ନିଜର ଦେଢ଼ ମାସର ପୁତ୍ରକୁ ହତ୍ୟା କରିଥିଲା ନିଜ ଜନ୍ମ କଲା ମାଆ । ତେବେ ଏପରି ଏକ ଅମାନବୀୟ ଘଟଣା ଘଟିଥିଲା ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ଅସନା ଗ୍ରାମପଞ୍ଚାୟତର ବାଙ୍କିଡିହି ଗ୍ରାମରେ । ଗାଁ କେନାଲରୁ ଶିଶୁର ମୃତଦେହ ଉଦ୍ଧାର କରିଥିଲେ ଲୋକେ । ଅଭିଯୁକ୍ତ ମାଆକୁ ଗିରଫ କରିଥିଲା ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
