ଜୟପୁର: ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ନାଥ ପାହାଡିଆଙ୍କ ଦେହାନ୍ତର ଦୁଇ ଦିନ ପରେ ତାଙ୍କ ପତ୍ନୀ ଶାନ୍ତି ପାହାଡିଆଙ୍କର ମଧ୍ୟ ପରଲୋକ ଘଟିଛି । କୋରୋନାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି ।
ତାଙ୍କର ଏହି ବିୟୋଗରେ ରାଜ୍ୟପାଳ କଲରାଜ ମିଶ୍ର, ମୁଖ୍ୟମନ୍ତ୍ରୀ ଅଶୋକ ଗେହଲଟ, ପିସିସି ମୁଖ୍ୟ ଗୋବିନ୍ଦ ଦୋଟାସାରା, ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ପ୍ରମୁଖ ଶୋକବ୍ୟକ୍ତ କରିଛନ୍ତି ।
ଶାନ୍ତି ପାହାଡିଆ ପୂର୍ବରୁ 2 ଥର ରାଜ୍ୟସଭା ସାଂସଦ ଓ 2 ଥର ବିଧାୟକ ଭାବେ ମଧ୍ୟ ନିର୍ବାଚିତ ହୋଇଥିଲେ । ଆଜି ଅପରାହ୍ନରେ ଗୁରୁଗ୍ରାମର ସେକ୍ଟର 32ରେ ତାଙ୍କର ଶେଷକୃତ୍ୟ କରାଯିବ । ମେ 20ରେ ସ୍ବାମୀ ଜଗନ୍ନାଥ ପାହାଡିଆ ମଧ୍ୟ କୋରୋନାରେ ପ୍ରାଣ ହରାଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
