ପାଟନା: ପୁଣି ଚର୍ଚ୍ଚାରେ ପୂର୍ବତନ ବିହାର ଡିଜିପି ତଥା ଜେଡିୟୁ ନେତା ଗୁପ୍ତେଶ୍ବର ପାଣ୍ଡେ । ପୂର୍ବରୁ ବିହାରରେ ଡିଜିପି ଥିବାବେଳେ ନିଜର କାର୍ଯ୍ୟକୁ ନେଇ ଚର୍ଚ୍ଚାର ପରିସରକୁ ଆସିଥିଲେ । ପୁଣି ଥରେ ଏଥର ଏକ ନୂଆ ଅନ୍ଦାଜକୁ ନେଇ ଚର୍ଚ୍ଚାକୁ ଆସିଛନ୍ତି ଏହି ପୂର୍ବତନ ପୋଲିସ ଅଧିକାରୀ । ଏଥର ସେ ନିଜର ଧାର୍ମିକ ଭାବନାକୁ ନେଇ ଚର୍ଚ୍ଚାକୁ ଆସିଛନ୍ତି ।
ବିହାରର ବହୁଚର୍ଚ୍ଚିତ ପୋଲିସ ଅଧିକାରୀ ଗୁପ୍ତେଶ୍ବର ପାଣ୍ଡେ ସବୁବେଳେ ଲୋକଙ୍କ ନଜରରେ ରହିଥାନ୍ତି । ପ୍ରତ୍ୟେକ କ୍ଷେତ୍ରରେ ସେ ଲୋକଙ୍କ ଧ୍ୟାନ ଆକର୍ଷଣ କରିଥାନ୍ତି । ଅଚାନକ ସେ ଧାର୍ମିକ ନଗରୀ ଅଯୋଧ୍ୟାରେ ଦେଖା ଦେଇଥିଲେ ଏବଂ ଗେରୁଆ ବସ୍ତ୍ର ପରିଧାନ କରି ଭଗବାନ ପ୍ରତି ନିଜର ସମର୍ପଣଭାବ ପ୍ରଦର୍ଶନ କରିଛନ୍ତି । ଯେତେବେଳ ତମେ ଜୀବନର ଉଦ୍ଦେଶ୍ୟକୁ ଜାଣିବାକୁ ଚାହୁଁଛ ସେତିକି ବେଳେ ଭଗବାନଙ୍କ ବିଷୟରେ ଜାଣିବାକୁ ଚାହୁଁଛୁ । ଏହା ମୋର କୌଣସି ଅଚାନକ ପରିବର୍ତ୍ତନ ନୁହେଁ ବୋଲି ସେ କହିଛନ୍ତି । ବର୍ତ୍ତମାନ ତାଙ୍କର ଭଗବାନଙ୍କ ପ୍ରତି ଭାବନାକୁ ଦେଖି ଲୋକେ ମଧ୍ୟ ଏହି ପୂର୍ବତନ ଡିଜିପିଙ୍କ ଆନ୍ଦାଜକୁ ପସନ୍ଦ କରିଛନ୍ତି । ସେ ବିହାରରେ ରବିନ ହୁଡ ପାଣ୍ଡେ ଭାବରେ ମଧ୍ୟ ବେଶ ପରିଚିତ ।
ସୂଚନାଥାଉକି ଗତବର୍ଷ ବଲିଉଡ ଅଭିନେତା ସୁଶାନ୍ତ ସିଂ ଙ୍କ ମୃତ୍ୟୁ ମାମଲାକୁ ନେଇ ବିହାର ପୋଲିସ ଓ ମହାରାଷ୍ଟ୍ର ପୋଲିସ ଲଢେଇ ମଧ୍ୟରେ ବିହାର ଡିଜିପି ଥିବା ଗୁପ୍ତେଶ୍ବର ପାଣ୍ଡେ ଗଣମାଧ୍ୟମରେ ଚର୍ଚ୍ଚିତ ଚେହେରା ପାଲଟିଥିଲେ । ନିଜର ରୋକଠୋକ ଜବାବ ସହ ସୁଶାନ୍ତ ସିଂ ଙ୍କ ମାମାଲାକୁ ନେଇ ମହାରାଷ୍ଟ୍ର ପୋଲିସର ତଦନ୍ତକୁ ପ୍ରଶ୍ନ କରିଥିଲେ ।
ଗୁପ୍ତେଶର ପାଣ୍ଡେ ବିହାର ଜିଡିପି ପଦରୁ ଅବସର ନେଇଥିଲେ । ଠିକ ବିହାର ବିଧାନସଭା ନିର୍ବାଚନ ପୂର୍ବରୁ ନିଜର ଦ୍ବିତୀୟ ଇନିଂସ ରାଜନୀତିରେ ପାଦଦେଇ ନୀତିଶ କୁମାରଙ୍କ ଜେଡିୟୁରେ ସାମିଲ ହୋଇଥିଲେ। ବିଧାୟକ ପଦବୀ ପାଇଁ ଆଶାୟୀ ଥିବା ଗୁପ୍ତେଶ୍ବରଙ୍କୁ କିନ୍ତୁ ଟିକେଟ ପ୍ରଦାନ କରିନଥିଲେ ମୁଖ୍ୟମନ୍ତ୍ରୀ ନୀତିଶ କୁମାର । ସେ ଦଳୀୟ କର୍ମୀ ଭାବରେ କାର୍ଯ୍ୟ କରିଥିଲେ ।
