ଶ୍ରୀନଗର: 5 ଆତଙ୍କବାଦୀଙ୍କୁ ଗିରଫ କଲା ପୋଲିସ । ଦକ୍ଷିଣ କାଶ୍ମୀରର ଟ୍ରାଲ ଅଞ୍ଚଳରେ କିଛି ଲୋକେ ଆତଙ୍କବାଦୀଙ୍କ ଫଟୋ ସହିତ କିଛି ପୋଷ୍ଟର ମାରିଥିଲେ । ଏହି ମାମଲାରେ ପୋଲିସ 5 ଜଣଙ୍କୁ ଗିରଫ କରିବା ସହିତ ପୋଷ୍ଟର, ଲାପଟପ ଓ ପ୍ରିଣ୍ଟରକୁ ଜବତ କରିଛି । ଏହିସହ ଅଧିକ ତଦନ୍ତ ଆରମ୍ଭ କରିଛି ପୋଲିସ ।
5 ଆତଙ୍କବାଦୀ ଗିରଫ, ଲାପଟପ ସହ ପୋଷ୍ଚର ଜବତ
ତେବେ ଗିରଫ ଅଭିଯୁକ୍ତମାନେ ହେଉଛନ୍ତି ଜାହାଙ୍ଗୀର ଅହେମ୍ମଦ, ତୌସିଫ ଅହମ୍ମଦ ଲୋନ, ସବଜରା ଅହେମ୍ମଦ ବୁଟ, ଅଜୈଜ ମହମ୍ମଦ ଓ ଏୌସର ଅହେମ୍ମଦ ଦାର । ଗିରଫ ହୋଇଥିବା ସମସ୍ତ ଅଭିଯୁକ୍ତଙ୍କ ଘର ଗୁଲସନ -ଇ-ପୁରା-ଟ୍ରାଲରେ ହୋଇଥିବା ଜଣାପଡିଛି । ତେବେ ସୂଚନାଯୋଗ୍ୟ ଯେ, ଜାନୁଆରୀ 12 ତାରିଖରେ ଟ୍ରାଲରେ ପ୍ରବେଶ କରି କିଛି ଆତଙ୍କବାଦୀ ସ୍ଥାନୀୟ ଅଞ୍ଚଳରେ ଫଟୋ ଓ କିଛି ପୋଷ୍ଟର ଲଗାଇଥିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଥିଲା । ଏନେଇ ପୋଲିସ ତଦନ୍ତ ଆରମ୍ଭ କରି 5 ଜଣଙ୍କୁ ଗିରଫ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
