ଲକ୍ଷ୍ନୌ: ଦିଲ୍ଲୀ-ମେରଟ ଏକ୍ସପ୍ରେସୱେରେ ଭୟଙ୍କର ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଗୋଟିଏ ପରିବାରର 5 ଜଣଙ୍କର ମୃତ୍ୟୁ ହୋଇଥିବାବେଳେ କିଛି ଲୋକ ଗୁରୁତର ଆହତ ହୋଇଛନ୍ତି । ତେବେ ଦିଲ୍ଲୀ-ମେରଟ ଏକ୍ସପ୍ରେସୱେରେ ଓଭର ସ୍ପିଡ୍ ଟ୍ରାକିଂ ମିଟର ଲଗାଯାଇଥିଲେ ବି ଏଠାରେ ସବୁବେଳେ ସଡ଼କ ଦୁର୍ଘଟଣା ଘଟୁଛି ।
ସୂଚନାମୁତାବକ, ସୋମବାର ଗୋଟିଏ ପରିବାରର ସଦସ୍ୟମାନେ ଦିଲ୍ଲୀ ବିମାନବନ୍ଦରରୁ କାରରେ ଘରକୁ ଫେରୁଥିବାବେଳେ ଏକ୍ସପ୍ରେସୱେ ପରତାପୁର ଟୋଲ ନିକଟରେ ପାର୍କିଂ ହୋଇଥିବା ଟ୍ରକ ସହିତ କାରଟି ଧକ୍କା ହୋଇଥିଲା । ଯେଉଁଥିରେ 5ଜଣଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ଯରେ 4 ଜଣ ମହିଳା ରହିଛନ୍ତି । କିନ୍ତୁ କାରରେ ଥିବା ଏକ ସାତ ମାସର ଶିଶୁ ବଞ୍ଚିଯାଇଥିବା ଜଣାପଡ଼ିଛି । ତେବେ କାର ଚାଳକ ଆଖି ଲାଗିଯିବାରୁ ଏଭଳି ଦୁର୍ଘଟଣା ଘଟିଥିବା ସୂତ୍ରରୁ ପ୍ରକାଶ ପାଇଛି ।
ଦୁର୍ଘଟଣା ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ହିଁ ସମସ୍ତଙ୍କର ମୃତ୍ୟୁ ହୋଇଥିବା ବେଳେ ଏକ ସାତ ମାସର ଶିଶୁ ସେଥିରୁ ବର୍ତ୍ତି ଯାଇଛି । ଦୁର୍ଘଟଣା ପରେ ପୋଲିସ ଟ୍ରକକୁ ଜବତ କରିଛି ଏବଂ କାରରେ ଥିବା ସାତ ମାସର ଶିଶୁକୁ ଚିକିତ୍ସା ପାଇଁ ଡାକ୍ତରଖାନାକୁ ପଠାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
