ଲୁଧିଆନା: ପଞ୍ଜାବ ବିଧାନସଭା ଫଳାଫଳକୁ ନେଇ ରାଜନୀତି ସରଗରମ ହୋଇଉଠୁଛି। ତେଣୁ ପଞ୍ଜାବ ବିଧାନସଭା ନିର୍ବାଚନ(Punjab Assembly Election ୨୦୨୨) ର ଫଳାଫଳ ବାହାରିବା ପୂର୍ବରୁ ବଡ ବଡ ମିଠା ଦୋକାନ ଗୁଡ଼ିକରେ ଲଗାତାର ଅଗ୍ରୀମ ଅଡର କରାଯାଉଛି । ଲୁଧିଆନାର ଏକ ମିଠା ଦୋକାନ ଗତ ୨ ଦିନ ଧରି ଲଗାତାର ଲଡୁ ଏବଂ ଅଗ୍ରୀମ ଅର୍ଡର ରଖୁଛି, ଯାହା ଦ୍ବାରା ଏକ ପାଞ୍ଚ କିଲୋଗ୍ରାମ ଲଡୁ ମଧ୍ୟ ସ୍ବତନ୍ତ୍ର ଭାବରେ ପ୍ରସ୍ତୁତ କରାଯାଇଛି।
କାରଣ ପଞ୍ଜାବରେ ଭୋଟ୍ ଜିତିବା ପରେ ଦେଶୀ ଘି ଲଡୁ ଲୋକଙ୍କୁ ବଣ୍ଟନ କରାଯାଇଥାଏ, ଏମିତି କି ଯେଉଁ ପ୍ରାର୍ଥୀମାନେ ଜିତିବାର ଆଶା ନାହିଁ ସେମାନେ ମଧ୍ୟ ଦୋକାନରେ ଅଗ୍ରୀମ ଅଡର ବୁକ୍ କରୁଛନ୍ତି, କାରଣ ଯଦି ପ୍ରାର୍ଥୀ ଜିତନ୍ତି ନାହିଁ ତେବେ ସେମାନଙ୍କର ଅଗ୍ରୀମ ଫେରସ୍ତ କରାଯିବ ବୋଲି ଦୋକାନ ତରଫରୁ କୁହାଯାଉଛି । ଅଗ୍ରୀମ ଅର୍ଡର କିପରି ଆସୁଛି ସେ ବିଷୟରେ ନରିନ୍ଦରପାଲ ସିଂ କହିଛନ୍ତି ଯେ ଯେତେବେଳେ ବି କେହି ତାଙ୍କ ଦୋକାନକୁ ଲଡୁ ପାଇଁ ଅଗ୍ରୀମ ଅର୍ଡର ବୁକ୍ କରିବାକୁ ଆସନ୍ତି, ସେ ତାଙ୍କୁ ତାଙ୍କ ପାର୍ଟି ପଚାରନ୍ତି ନାହିଁ, ସେ କହିଛନ୍ତି ଯେ ରାତି ୯ଟା ପର୍ଯ୍ୟନ୍ତ ତାଙ୍କ ପାଖକୁ ଅର୍ଡର ଆସେ ।
ଏଥର "୨୦୨୨ ଜିତ କା ଲଡୁ"( ୨୦୨୨ ନିର୍ବାଚନ ଜିତିବାର ଲଡୁ) ପାଇ ତାଙ୍କୁ ଆଗରୁ ଅର୍ଡର କରାଯାଇଛି । ଏହି ପରିପ୍ରେକ୍ଷୀରେ ଅନେକ ଦିନ ଧରି ଲଡୁ ପ୍ରସ୍ତୁତି ଚାଲିଛି । ସେ କହିଛନ୍ତି ଯେ ଏଥର ୫ କିଲୋଗ୍ରାମର ଏକ ସ୍ବତନ୍ତ୍ର ଲଡୁ ପ୍ରସ୍ତୁତ କରାଯାଇଛି, ଯାହାର ନାମ ୨୦୨୨ ଜିତ୍ କା ଲଡୁ( ୨୦୨୨ ଜିତିବାର ଲଡୁ) ରଖାଯାଇଛି ଏବଂ ଏଥର ଏହି ଲଡୁ କାହାର ପକ୍ଷେ ଯିବ ତାହା ଦେଖିବା ଗୁରୁତ୍ବପୂର୍ଣ୍ଣ ହେବ।
ହଲୱାଇ ଆସୋସିଏସନର ମୁଖ୍ୟ ଏହା ମଧ୍ୟ କହିଛନ୍ତି ଯେ ଆମେ କୌଣସି ବୁକିଂ କରୁଥିବା ବ୍ୟକ୍ତିଙ୍କ ନାମ ପଚାରୁ ନାହୁଁ, କିନ୍ତୁ ଯେଉଁମାନେ ଅଗ୍ରିମ ବୁକିଂ ଦେବାକୁ ଆସନ୍ତି ସେମାନଙ୍କୁ ଏହି ନିଶ୍ଚିତତା ଦିଆଯାଏ ଯେ ଯଦି ସେମାନଙ୍କ ପ୍ରାର୍ଥୀ ଜିତନ୍ତି ନାହିଁ, ତା’ହେଲେ ସେମାନଙ୍କ ଅଗ୍ରୀମ ଫେରସ୍ତ ହେବ । ଯାହା ପ୍ରାୟତଃ ଅଧିକ ଦୋକାନୀମାନେ କରନ୍ତି ନାହିଁ । ଏହି କାରଣରୁ ଅଧିକ ଅଗ୍ରୀମ ବୁକିଂ ସେମାନଙ୍କ ନିକଟକୁ ଆସୁଥିବା କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
