ଗୁରୁଗ୍ରାମ: ସାଇବର ସିଟିରେ କ୍ରମାଗତ ଭାବେ ସାମ୍ନାକୁ ଆସୁଛି ଅଗ୍ନିକାଣ୍ଡ ଘଟଣା । ଗତକିଛିଦିନ ତଳେ ନାଥପୁର ଅଞ୍ଚଳର ପ୍ରାୟ 700 ବସ୍ତିରେ ଅଗ୍ନିକାଣ୍ଡର ଘଟଣାକୁ ସପ୍ତାହେ ନ ବିତୁଣୁ ଆଜି(ରବିବାର) ପୁଣି ନାହରପୁରର ବସ୍ତିରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଛି ।
ବର୍ତ୍ତମାନ ସୁଦ୍ଧା କୌଣସି ଆହତଙ୍କ ସୂଚନା ମିଳିପାରିନାହିଁ । ଅଗ୍ନିକାଣ୍ଡ ଯୋଗୁଁ ଘଟଣାସ୍ଥଳରେ ତୀବ୍ର ଉତ୍ତେଜନା ପ୍ରକାଶ ପାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାରେ ନିୟୋଜିତ ହୋଇଥିବା ଜଣାପଡିଛି । ତେବେ ଅଗ୍ନିକାଣ୍ଡର କାରଣ ଜଣାପଡି ନାହିଁ।
ତେବେ ସୂଚନା ଅନୁସାରେ, ଚଳିତମାସ ଏପ୍ରିଲ 3ରେ ଗୁରୁଗ୍ରାମର ନାଥପୁର ଅଞ୍ଚଳରେ ଥିବା ବସ୍ତିରେ ନିଆଁ ଲାଗିଯାଇଥିଲା। ଅଗ୍ନିକାଣ୍ଡ ଯୋଗୁଁ ପ୍ରାୟ 700 ଟି ବସ୍ତି ଜଳିପୋଡି ପାଉଁଶ ହୋଇଯାଇଛି । ଇଲେକ୍ଟ୍ରିକ ସର୍ଟସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
