ନୂଆଦିଲ୍ଲୀ: ମ୍ୟୁନିସିପାଲଟି ଅଫିସରେ ଅଗ୍ନିକାଣ୍ଡ । ଦିଲ୍ଲୀର କେଶଭପୁରମ ଅଞ୍ଚଳରେ ଥିବା ମ୍ୟୁନିସିପାଲଟି କର୍ପୋରେସନ ଅଫିସରେ ଅଗ୍ନିକାଣ୍ଡ । ଖବରପାଇ ୮ଟି ଅଗ୍ନିଶମ ବାହୀନି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।
ସୂଚନାଅନୁସାରେ, MCD କାର୍ଯ୍ୟାଳୟର 1000 ମିଟର ଦୂରତାରେ ଏହି ଅଗ୍ନିକାଣ୍ଡ ଘଟିଛି । ତେବେ ଏନେଇ ଅଗ୍ନିଶମ ବିଭାଗର ଅଧିକାରୀ ପରାସ କୁମାର କହିଛନ୍ତି ଯେ, "ନିଆଁକୁ ଆୟତ୍ତ କରିବା ପାଇଁ ୮ଟି ଅଗ୍ନିଶମ ବାହିନୀ ନିୟୋଜିତ ହୋଇଥିଲା । ଗତକାଲି(ମଙ୍ଗଳବାର) ସନ୍ଧ୍ୟା ୫.୩୦ରେ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ନିଆଁଲିଭା କାର୍ଯ୍ୟ ଆରମ୍ଭ କରିଥିଲେ।"
ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଏହି ଘଟଣାରେ କେହି ଆହତ ହୋଇନଥିବା ନେଇ ଅଗ୍ନିଶମ ବିଭାଗ ଅଧିକାରୀ ସୂଚନା ଦେଇଛନ୍ତି । ତେବେ କେତେ ପରିମାଣର କ୍ଷୟକ୍ଷତି ହୋଇଛି ତାହା ଆକଳନ ପରେ ଜଣାପଡିବ ବୋଲି କହିଛନ୍ତି ଏମସିଡି କାର୍ଯ୍ୟାଳୟର ଷ୍ଟୋର ଇନଚାର୍ଜ ଲଲିତ କୁମାର ସୂଚନା ଦେଇଛନ୍ତି ।
