ପୁଣେ: କେନ୍ଦ୍ରମନ୍ତ୍ରୀ ନାରାୟଣ ରାଣେଙ୍କ ନାମରେ ମାମଲା ରୁଜ୍ଜୁ । ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇ ଫସିଲେ ରାଣେ । ଏ ନେଇ ପୁଣେ ଚାଟୁରଶ୍ରୀଙ୍ଗୀ ପୋଲିସ ଷ୍ଟେସନରେ ଆଇପିସି ଧାରା ୫୦୫ ଓ ୧୫୩ ଅଧୀନରେ ନାରାୟଣଙ୍କ ନାମରେ ମାମଲା ରୁଜ୍ଜୁ ହୋଇଛି ।
ମହାରାଷ୍ଟ୍ରର ବିଭିନ୍ନ ଥାନାରେ ଏନେଇ ମାମଲା ରୁଜୁ ହୋଇଛି । ଯାହାର ଉତ୍ତର ରଖିଛନ୍ତି ଖୋଦ କେନ୍ଦ୍ରମନ୍ତ୍ରୀ । ସେ କହିଛନ୍ତି ‘ମୋ ନାଁରେ କେଉଁଠି ମାମଲା ରୁଜୁ ହୋଇଛି ତାହା ମୁଁ ଜାଣିନାହିଁ । ମୁଁ ଜଣେ ସାଧାରଣ ନାଗରିକ ନୁହେଁ । ମୁଁ କିଛି ଅପରାଧ କରିନାହିଁ । ବରଂ ସ୍ବାଧୀନତା ଦିବସରେ ଜାଣିନଥିବା ବ୍ୟକ୍ତିଙ୍କୁ ଚାପୁଡା ମାରିବା ପାଇଁ କହିଛି । ଏହା କେବଳ ମୋ ବାକ୍ୟ ଥିଲା ଆଉ ଏହା ଅପରାଧ ନୁହେଁ ।’
ସ୍ବାଧୀନତା ଦିବସ ଘଟଣାକୁ ନେଇ ନାରାୟଣ କହିଥିଲେ ଯଦି ‘ମୁଁ ସେଠାରେ ଥାଆନ୍ତି ଠାକରେଙ୍କୁ ଏକ ଶକ୍ତ ଚାପୁଡା ଚାପୁଡା ମାରିଥାନ୍ତି’ । ପ୍ରକାଶ ଥାଉ କି ପତାକା ଉତ୍ତୋଳନ ସମୟରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପାଖରେ ଥିବା ସହଯୋଗୀଙ୍କୁ ଏହା 60ତମ ସ୍ବାଧୀନତା ଦିବସ ବୋଲି ପ୍ରଶ୍ନ କରିଥିଲେ । ଯାହାର ଜବାବ ଦେଇଛନ୍ତି ନାରାଣ ରାଣେ । ‘ଦେଶ ସ୍ବାଧୀନ ହେବାକୁ କେତେ ବର୍ଷ ହେଲାଣି ମୁଖ୍ୟମନ୍ତ୍ରୀ ଜାଣି ନାହାନ୍ତି । ସେ ଜଣଙ୍କୁ ପଚାରିଥିଲେ ଏହା ଡାଇମଣ୍ଡ ଜୁବଲୀ କି? ଯଦି ଏହି ପରି ପ୍ରଶ୍ନ କିଏ ପଚାରେ ମୁଁ ତାଙ୍କୁ ଗୋଟିଏ ଚାପୁଡା ମାରିଥାନ୍ତି । କିଏ ସରକାର ଚଳାଉଛି ମୁଁ ଜାଣେ ନାହିଁ । କୌଣସି ଡ୍ରାଇଭର ନଥିବା କହିଛନ୍ତି ନାରାୟଣ ରାଣେ ’।
ନାରାୟଣ ରାଣେ ଜନଆଶୀର୍ବାଦ ଯାତ୍ରାରେ ଥିବା ସମୟରେ ରାୟଗଡ ଜିଲ୍ଲାରେ ଏଭଳି ବିବାଦୀୟ ବୟାନ ଦେଇଥିଲେ ।
ବ୍ୟୁରୋ ରିପୋର୍ଟ,ଇଟିଭି ଭାରତ
