ଶ୍ରୀନଗର: ବାନ୍ଦିପୋରାରେ ସୁରକ୍ଷାକର୍ମୀଙ୍କୁ ସଫଳତା । ଜମ୍ମୁକାଶ୍ମୀର ବାନ୍ଦିପୋରାରରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଛି । ଆଜି ସକାଳେ ଜମ୍ମୁକାଶ୍ମୀର ବାନ୍ଦିପୋରା ଜିଲ୍ଲାରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଆରମ୍ଭ ହୋଇଥିବା ନେଇ କାଶ୍ମୀର ଜୋନ ପୋଲିସ ତରଫରୁ ସୂଚନା ମିଳିଥିଲା ।
କାଶ୍ମୀର ଜୋନ ପୋଲିସ ଏନେଇ ଟ୍ବିଟ କରି କହିଥିଲା ଯେ ବାନ୍ଦିପୋରା ହାଜିନ୍ ଅଞ୍ଚଳ ଗୁଣ୍ଡଜାଙ୍ଗୀରରେ ଏନକାଉଣ୍ଟର ଆରମ୍ଭ ହୋଇଛି । ପୋଲିସ ଓ ସୁରକ୍ଷା କର୍ମୀ ଏଥିରେ ସାମିଲ ହୋଇଛନ୍ତି । ଅଧିକ ବିବରଣୀ ଏବେ ଅପେକ୍ଷା କରାଯାଇଛି ।
ତେବେ ଜାମ୍ମୁକାଶ୍ମୀର ଅନନ୍ତନାଗରେ ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏଥିରେ ଜଣେ ଆତଙ୍କୀ ନିହତ ହୋଇଥିବା ବେଳେ ଜଣେ ସୁରକ୍ଷା କର୍ମୀ ଆହତ ହୋଇଛନ୍ତି ।
@ANI
