ଚେନ୍ନାଇ: ମହାମାରୀ କୋରୋନାର ଦ୍ବିତୀୟ ଲହରୀ ସମୟରେ ପ୍ରଚାର ରାଲିକୁ ଅନୁମତି ଦେବା ନେଇ ନିର୍ବାଚନ ଆୟୋଗଙ୍କ ଉପରେ ବର୍ଷିଛନ୍ତି ମାଡ୍ରାସ ହାଇକୋର୍ଟ । ନିର୍ବାଚନ ଆୟୋଗ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ ହେବା ଦରକାର ବୋଲି ଶୁଣାଣି ସମୟରେ କହିଛନ୍ତି ହାଇକୋର୍ଟର ମୁଖ୍ୟ ବିଚାରପତି ସଞ୍ଜୀବ ବାନାର୍ଜୀ ।
ମୁଖ୍ୟ ବିଚାରପତି ସଞ୍ଜୀବ ବାନାର୍ଜୀ ଭାରତର ନିର୍ବାଚନ ଆୟୋଗଙ୍କୁ କହିଛନ୍ତି, ଆପଣଙ୍କ ସଂସ୍ଥା କୋରୋନାର ଦ୍ବିତୀୟ ଲହରୀ ପାଇଁ ଦାୟୀ । ମାଡ୍ରାସ ହାଇକୋର୍ଟ ଚେତାବନୀ ଦେଇଛନ୍ତି କି ମେ 2 ପାଇଁ ନିର୍ବାଚନ ଆୟୋଗ ଯଦି କୋଭିଡ ପ୍ରୋଟୋକଲର ପାଳନ ସୁନିଶ୍ଚିତ କରିବା ପାଇଁ ଉଚିତ ଯୋଜନା ପ୍ରସ୍ତୁତ ନକରେ, ତାହେଲେ ମତଗଣନା ଉପରେ ରୋକ ଲଗାଇ ଦିଆଯିବ ।
ହାଇକୋର୍ଟର ମୁଖ୍ୟ ବିଚାରପତି କହିଛନ୍ତି, ଜନସାଧାରଣଙ୍କ ଜୀବନ ଓ ସ୍ବାସ୍ଥ୍ୟ ସବୁଠୁ ଗୁରୁତ୍ବପୂର୍ଣ୍ଣ । ଏହା ଚିନ୍ତାଜନକ ଯେ ଏଭଳି କଥାକୁ ସମ୍ବିଧାନିକ ପଦରେ ବସିଥିବା ଅଧିକାରୀଙ୍କୁ ବୁଝାଇବାକୁ ପଡୁଛି । ଯଦି କେହି ଜୀବୀତ ରହିବେ, ତେବେ ସେମାନେ ଗଣତନ୍ତ୍ରିକ ଅଧିକାରର ଲାଭ ଉଠାଇପାରିବେ ବୋଲି କହିଛନ୍ତି ମୁଖ୍ୟ ବିଚାରପତି ।
