ପାଟନା: ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡ ଭାଇଙ୍କ ପରଲୋକ । ଲାଲୁଙ୍କ ବଡ ଭାଇ ମହାବୀର ରାୟ ଗତ କିଛି ଦିନରୁ ରୋଗାଗ୍ରସ୍ତ ଥିଲେ । ତେବେ ଗୁରୁବାର ସଂଧ୍ୟାରେ ପାଟନାର ଆଇଜିଆଇଏମଏସ ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଛନ୍ତି ମହାବୀର ।
କିଛି ଦିନ ପୂର୍ବରୁ ଚାରା ଘୋଟାଲା ମାମଲାରେ ଲାଲୁ ପ୍ରସାଦ ଯାଦବଙ୍କୁ ଦାଣ୍ଡାଦେଶର ଗୋଟିଏ ଦିନ ପରେ ତାଙ୍କ ବଡ ଭଉଣୀଙ୍କ ଦେହାନ୍ତ ହୋଇଯାଇଥିଲା । ଲାଲୁଙ୍କ ବଡ ଭଉଣୀ ଗାୟତ୍ରୀ ଦେବୀଙ୍କ ମୃତ୍ୟୁ ମାନସିକ ଚାପରୁ ହୋଇଥିବା କୁହାଯାଉଛି ।
ନିଜ ଭଉଣୀଙ୍କ ମୃତ୍ୟୁ ଖବର ଶୁଣି ଶୋକାକୁଳ ହୋଇପଡିଥିଲେ ଜେଲରେ ବନ୍ଦୀ ଥିବା ଲାଲୁ । ଏଭଳି ସ୍ଥିତିରେ ଲାଲୁଙ୍କ ପରିବାର ପାଇଁ ଏହା ଦ୍ବିତୀୟ ବଡ ଦୁଃଖ ।
