ଜୟପୁର:ରାଜସ୍ଥାନ ଝାଲାୱାଡ ଜିଲ୍ଲାରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାହାରେ ଶୋଇଥିବା 5 ଜଣଙ୍କ ଉପରେ ଚଢିଗଲା ଡମ୍ଫର । ଏହି ଦୁର୍ଘଟଣାରେ ଗୋଟିଏ ଶ୍ରମିକ ପରିବାରର 5 ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ସ୍ବାମୀ, ସ୍ତ୍ରୀ ଏବଂ ସେମାନଙ୍କର 3 ସନ୍ତାନ ଅଛନ୍ତି । ତେବେ ବିଳମ୍ବିତ ରାତିରେ ଏହି ଦୁର୍ଘଟଣା ହୋଇଥିବା କୁହାଯାଇଛି । ଘଟଣା ପରେ ଡମ୍ଫର ଡ୍ରାଇଭର ଫେରାର ହୋଇଯାଇଥିବା ଜଣାପଡ଼ିଛି ।
ପୋଲିସ ଠାରୁ ମିଳିଥିବା ସୂଚନା ଅନୁଯାୟୀ, ଏହି ଦୁର୍ଘଟଣା ଝାଲାୱାଡର ତିନଧାର ମଣ୍ଡାୱର ରାସ୍ତାରେ ବଡବେଲା ଗ୍ରାମ ନିକଟରେ ଘଟିଛି। ଯେଉଁଠାରେ ଘାଟୋଲି ଅଞ୍ଚଳରେ ରହୁଥିବା ଏକ ପରିବାର ରାସ୍ତା କଡ଼ରେ ଶୋଇଥିବା ବେଳେ କ୍ଷିପ୍ର ଗତିରେ ଆସୁଥିବା ଡମ୍ଫର ତାଙ୍କ ଉପରେ ଚଢାଇ ଦେଇଥିଲା । ତେବେ ରାତି ପ୍ରାୟ ସାଢେ ବାରଟାରେ ଏହି ଘଟଣା ଘଟିଛି । ଏହି ଦୁର୍ଘଟଣା ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ହିଁ 5 ଜଣଙ୍କର ମୃତ୍ୟୁ ହୋଇଥିଲା । ଏଥି ସହିତ, ସେମାନଙ୍କଠାରୁ କିଛି ଦୂରରେ ଶୋଇଥିବା 2 ପିଲା ଏହି ଦୁର୍ଘଟଣାରୁ ବଞ୍ଚି ଯାଇଛନ୍ତି ।
ପ୍ରାଥମିକ ସୂଚନା ଅନୁଯାୟୀ, ମୃତ୍ୟୁବରଣ କରିଥିବା ପିଲାମାନଙ୍କର ବୟସ ୧୦ରୁ କମ। ମୃତ୍ୟୁବରଣ କରିଥିବା ବ୍ୟକ୍ତିଙ୍କ ମଧ୍ୟରେ ସ୍ବାମୀ-ସ୍ତ୍ରୀ ଯଥାକ୍ରମେ- ସୁରେଶ, ସୀତାବାଇ ଏବଂ ସେମାନଙ୍କର ତିନି ସନ୍ତାନ ନିର୍ମଳା, କମଲେଶ ଏବଂ ପୱନଙ୍କ ମୃତ୍ୟୁ ଘଟିଛି । ସୂଚନା ପାଇ ମଣ୍ଡାୱର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ହସ୍ପିଟାଲ ପଠାଇଛି ।
ବ୍ୟରୋ ରିପୋର୍ଟ, ଇଟିଭି ଭାରତ
