ୱାଶିଂଟନ୍: ହ୍ବାଇଟ ହାଉସରେ ଭାରତୀୟ-ଆମେରିକୀୟ ଡାକ୍ତରଙ୍କୁ ଗୁରୁ ଦାୟିତ୍ବ । ବିଶିଷ୍ଟ ଚିକିତ୍ସକ ଆଶିଷ ଝାଙ୍କୁ ହ୍ବାଇଟ ହାଉସର ନୂତନ କୋଭିଡ ରେସପନ୍ସ ସଂଯୋଜକ (କୋର୍ଡିନେଟର) ଭାବେ ଦାୟିତ୍ବରେ ଅବସ୍ଥାପିତ କରାଯାଇଛି ।
51ବର୍ଷୀୟ ବିଶିଷ୍ଟ ଚିକିତ୍ସକ ହୋତା ବିହାରରେ ଜନ୍ମିତ । ତେବେ ସେ ଦୀର୍ଘବର୍ଷ ଧରି ଆମେରିକାରେ କାର୍ଯ୍ୟକତ ଅଛନ୍ତି । ସେଠାରେ ସେ ଜଣେ ଜଣାଶୁଣା ଚିକିତ୍ସକ ଭାବେ ପ୍ରସିଦ୍ଧି ଲାଭ କରିଛନ୍ତି । ସେ ପୂର୍ବତନ ଆମେରିକା ରାଷ୍ଟ୍ରପତି ବାରାକ ଓବାମାଙ୍କ ପୂର୍ବତନ ଅର୍ଥନୈତିକ ପରାମର୍ଶଦାତାଙ୍କ ଜେଫ ଜିଏଣ୍ଟସଙ୍କ ସ୍ଥାନ ଗ୍ରହଣ କରିବେ ।ଜେଫ୍ ଗତ 14 ମାସ ଧରି COVIDର ମୁକାବିଲା ପାଇଁ ହ୍ବାଇଟ ହାଉସ ପାଇଁ କାମ କରିଆସିଥିଲେ । ତେବେ ରାଷ୍ଟ୍ରପତି ବାଇଡେନ ଜେଫଙ୍କ ଅବଦାନକୁ ମନେ ପକାଇ ଟ୍ବିଟ କରିଥିବା ଦେଖିବାକୁ ମିଳିଛି ।
