ଗାନ୍ଧୀନଗର: ପୂର୍ବତନ ବିଧାୟିକାଙ୍କୁ ଟିକେଟ ଦେଲାନି କଂଗ୍ରେସ । ଚଳିତ ନିର୍ବାଚନରେ ଟିକେଟ ନଦେବାରୁ ଦଳ ଛାଡି ଭାରତୀୟ ଜନତା ପାର୍ଟିରେ ସାମିଲ ହେଲେ ପୂର୍ବତନ କଂଗ୍ରେସ ବିଧାୟିକା କାମିନି ବା ରାଥୋର । ଦେଗାମ ବିଧାନସଭା ନିର୍ବାଚନ ମଣ୍ଡଳୀରୁ କଂଗ୍ରେସରୁ ବିଧାୟିକା ହୋଇଥବା କାମିନି ନିକଟରେ ସେ ଟିକେଟ କନ୍ଦଳ ପାଇଁ ଦଳରୁ ଇସ୍ତଫା ଦେଇଥିଲେ । ଆଜି ସେ ବିଧିବଦ୍ଧ ଭାବେ ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି । ତେବେ ବିଜେପି ତାଙ୍କୁ ନିର୍ବାଚନ ପ୍ରତିଦ୍ବନ୍ଦୀତା କରାଇବା ନେଇ ଚର୍ଚ୍ଚା ହେଉଛି ।
କଂଗ୍ରେସରୁ ଇସ୍ତଫା ଦେବା ପରେ ସେ ସ୍ବାଧୀନ ଭାବେ ମଧ୍ୟ ନମାଙ୍କନ ଦାଖଲ କରିଥିଲେ । ପରେ ସେ ନାମାଙ୍କନ ପ୍ରତ୍ୟାହାର କରିବା ପରେ ବିଜେପିରେ ସାମିଲ ହେବା ଚର୍ଚ୍ଚା ଜୋର ଧରିଥିଲା । ସେ ଆଜି ବିଜେପିରେ ସାମିଲ ହେବା ପରେ ତାଙ୍କୁ ଭାରତୀୟ ଜନତା ପାର୍ଟି ନିର୍ବାଚନ ଲଢାଇପାରେ ବୋଲି ଚର୍ଚ୍ଚା ହେଉଛି । ଏକାଧିକ ଆସନ ପାଇଁ ଭାରତୀୟ ଜନତା ପାର୍ଟି ତାର ପ୍ରାର୍ଥୀ ତାଲିକା ଘଷଣା କାରିସାରିଥିବା ବେଳେ ଅବଶିଷ୍ଟ ଅଳ୍ପ କିଛି ଆସନ ପାଇଁ ପ୍ରାର୍ଥୀ ଘୋଷଣା କରିବା ବାକି ରହିଛି ।
182 ଆସନ ବିଶିଷ୍ଟ ଗୁଜୁରାଟ ବିଧାନସଭା ପାଇଁ ନିର୍ବାଚନ ଦୁଇଟି ପର୍ଯ୍ୟାୟରେ ଭୋଟିଂ ହେବାକୁ ଯାଉଛି । ଡିସେମ୍ବର 1 ଓ 5 ତାରିଖରେ ଭୋଟିଂ ହେବାକୁ ଯାଉଥିବା ବେଳେ 8 ତାରିଖରେ ଭୋଟଗଣତି ଓ ଜନାଦେଶ ପ୍ରକାଶ ପାଇବ । ଭାରତୀୟ ଜନତା ପାର୍ଟି ସରକାରରେ ଥିବା ବେଳେ ପୂର୍ବାପେକ୍ଷା ଅଧିକ ଆସନରେ କ୍ଷମତା ବଜାୟ ରଖିବା ପାଇଁ ଟାର୍ଗେଟ ରଖିଛି ଦଳ ।
ବ୍ୟୁରୋ ରିପୋର୍ଟ, ଇଟିଭି ଭାରତ
