ନୂଆଦିଲ୍ଲୀ: ଦିଲ୍ଲୀ ଉଚ୍ଚ ନ୍ୟାୟଳୟ ମୁଖ୍ୟ ବିଚାରପତି ଡିଏନ ପଟେଲ କୋରୋନାରେ ଆକ୍ରାନ୍ତ ହୋଇଛନ୍ତି । ସେ ନିଜକୁ ଆଇସୋଲେସନରେ ରଖିଥିବା ସୂଚନା ମିଳିଛି ।
ସୂଚନାଅନୁସାରେ, ଡିଏନ ପଟେଲ ପ୍ରଥମେ ଅସ୍ବାଭିକ ଅନୁଭବ କରିଥିଲେ । ଏହା ପରେ ସେ ପରୀକ୍ଷା କରିଥିଲେ । ସେ କୋରୋନାରେ ଆକ୍ରାନ୍ତ ହୋଇଥିବା ଜଣାପଡିଛି । ଦିଲ୍ଲୀ ଉଚ୍ଚ ନ୍ୟାୟଳୟର ତିନି ଜଣ ଜଜ୍ କୋରୋନାରେ ସଂକ୍ରମିତ ହୋଇଥିବା ଜଣାପଡିଛି । ସେମାନେ ସମସ୍ତେ ନିଜକୁ ଆଇସୋଲେସନରେ ରଖିଛନ୍ତି ।
ଜାତୀୟ ରାଜଧାନୀରେ ଦିନକୁ ଦିନ କୋରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବାରୁ କାର୍ଯ୍ୟାଳୟ ବନ୍ଦ ରଖିବାକୁ ନିଷ୍ପତ୍ତି ନେଇଛି ଦିଲ୍ଲୀ କୋର୍ଟ ବାର ଆସୋସିଏସନ । ପୁଣି ଥରେ ଏପ୍ରିଲ 23 ତାରିଖ ପର୍ଯ୍ୟନ୍ତ ଭର୍ଚୁଆଲ ଜରିଆରେ ଶୁଣାଣି ହେବ ।
ପୂର୍ବରୁ ମାର୍ଚ୍ଚ 23ରେ ସରକାରଙ୍କ ନିଷ୍ପତ୍ତି ଅନୁସାରେ କୋର୍ଟ ତାର କାର୍ଯ୍ୟକାଳ ସ୍ଥଗିତ ରଖିଥିଲା । କେବଳ ଜରୁରୀକାଳୀନ ଘଟଣାରେ ଭିଡିଓ କନଫରେନ୍ସି ଜରିଆରେ ଶୁଣାଣି କରାଯାଉଥିଲା ।
@ANI
