ନୂଆଦିଲ୍ଲୀ: ଦିଲ୍ଲୀର ଶକରପୁର ଅଞ୍ଚଳରୁ ଗିରଫ ହୋଇଥିବା 5 ସନ୍ଦିଗ୍ଧ ଆତଙ୍କବାଦୀଙ୍କୁ 4 ଦିନିଆ ରିମାଣ୍ଡରେ ନେଇଛି ପୋଲିସ । ଦିଲ୍ଲୀ କୋର୍ଟ 5 ଜଣଙ୍କୁ ପୋଲିସ ରିମାଣ୍ଡରେ ପଠାଇଛି ।
ଏମାନଙ୍କର ଆଇଏସଆଇ ସହିତ ଲିଙ୍କ ଥିବା ଦିଲ୍ଲୀ ସ୍ପେଶାଲ ସେଲ ଡିସିପି ସାମ୍ବାଦିକ ସମ୍ମିଳନୀରେ କହିଥିଲେ । 5 ଜଣଙ୍କ ମଧ୍ୟରୁ ଦୁଇ ଜଣ ପଞ୍ଜାବରୁ ହୋଇଥିବାବେଳେ କାଶ୍ମୀରର ତିନି ଜଣ ଅଛନ୍ତି ।
ସୂଚନାଥାଉକି, ଗତକାଲି ଦିଲ୍ଲୀର ଶକରପୁର 5 ସନ୍ଦିଗ୍ଧ ଆତଙ୍କବାଦୀ ଗିରଫ କରାଯାଇଥିଲା । ତେବେ ପ୍ରଥମେ ଦିଲ୍ଲୀର ସକରପୁର ଅଞ୍ଚଳରେ ପୋଲିସ ଓ ସନ୍ଦିଗ୍ଧ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ପରେ ସେଠାରୁ 5 ଜଣଙ୍କୁ ଗିରଫ କରାଯାଇଥିଲା।
ସନ୍ଦିଗ୍ଧ ଆତଙ୍କବାଦୀଙ୍କ ଗିରଫ ପରେ ପୋଲିସ ତଦନ୍ତକୁ ଜୋରଦାର କରିଛି । ଗିରଫ ସନ୍ଦିଗ୍ଧ ଆତଙ୍କୀଙ୍କ ଠାରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଥିଲା ।
@ANI
