ନୂଆଦିଲ୍ଲୀ: ଭାରତୀୟ ସେନାର ଆଧୁନିକୀକରଣ ପ୍ରକ୍ରିୟାରେ ପ୍ରତିରକ୍ଷା ମନ୍ତ୍ରଣାଳୟର ବଡ ମଞ୍ଜୁରୀ । ଆଜି (ସୋମବାର) ପ୍ରତିରକ୍ଷା ମନ୍ତ୍ରଣାଳୟ 76,390 କୋଟି ଟଙ୍କା ମୂଲ୍ୟର ଅନେକ ସାମରିକ ଆଧୁନିକୀକରଣ ପ୍ରକଳ୍ପକୁ ପ୍ରାଥମିକ ଅନୁମୋଦନ ଦେଇଛି । ଏହି ଅନୁମୋଦନରେ ବିଶେଷ ଭାବେ ଲାଭନ୍ବିତ ହେବାକୁ ଯାଉଛି ଭାରତୀୟ ନୈସେନା । ଯେଉଁଥିରେ ନୌସେନା ପାଇଁ 8ଟି ନୂଆ ପିଢିର କର୍ଭେଟ୍ ଶ୍ରେଣୀର ଲଢୁଆ ଅତ୍ୟାଧୁନିକ ଜାହାଜ ନିର୍ମାଣ ପ୍ରକଳ୍ପ ମଧ୍ୟ ରହିଛି ।
ଆଣ୍ଟି-ସରଫେସ ଏବଂ ଆଣ୍ଟି-ସବମେରାଇନ୍ ଯୁଦ୍ଧ ତଥା ଆଣ୍ଟି-ମିସାଇଲ୍ ପ୍ରତିରକ୍ଷା ମିଶନ୍ ପାଇଁ ଡିଜାଇନ ହେବାକୁ ଥିବା ଏହି 8ଟି ଅତ୍ୟାଧୁନିକ କର୍ଭେଟ୍ ଶ୍ରେଣୀର ଯୁଦ୍ଧ ଜାହାଜ ନିର୍ମାଣ ପାଇଁ ଆନୁମାନିକ 36,000 କୋଟି ଟଙ୍କା ଖର୍ଚ୍ଚ କରିବାକୁ ଲକ୍ଷ୍ୟ ରଖାଯାଇଛି ।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ଗଠିତ ପ୍ରତିରକ୍ଷା ଅଧିଗ୍ରହଣ ପରିଷଦ (DAC) ଆଣ୍ଟି-ଟ୍ୟାଙ୍କ୍ ଗାଇଡ୍ ମିସାଇଲ୍ ଏବଂ ଅସ୍ତ୍ରଶସ୍ତ୍ର ଚିହ୍ନଟ ରାଡାର, ଯୁଦ୍ଧ ଯାନ ଆଦି କ୍ରୟ ପାଇଁ ଆବଶ୍ୟକତାକୁ ମଧ୍ୟ ଅନୁମୋଦନ କରିଛି । ସେପିପରି ସେନା ପାଇଁ ବିଭିନ୍ନ ଉପକରଣ ପ୍ରସ୍ତୁତିରେ ସ୍ୱଦେଶୀ ଡିଜାଇନ୍ ଏବଂ ବିକାଶ ଉପରେ ଗୁରୁତ୍ୱ ଦେବା ନେଇ ମଧ୍ୟ ମନ୍ତ୍ରଣାଳୟ ଲକ୍ଷ୍ୟ ରଖିଛି ।
