ମୁମ୍ବାଇ: ମହାରାଷ୍ଟ୍ରରେ ରାଜନୈତିକ ସଙ୍କଟ ମଧ୍ୟରେ ପ୍ରତି ମୂହୁର୍ତ୍ତ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଗୁରୁବାର ଫ୍ଲୋର୍ ଟେଷ୍ଟରେ ସାମିଲ ହେବାକୁ ମୁମ୍ବାଇ ଆସୁଛନ୍ତି ବାଗୀ ବିଧାୟକ । ବିଦ୍ରୋହୀ ବିଧାୟକଙ୍କ ସୁରକ୍ଷା ଦୃଷ୍ଟିରୁ ସହରରେ ୨ ହଜାର ଫୋର୍ସ ଆସି ପହଞ୍ଚିଛନ୍ତି ।
ସେପଟେ ବିଧାୟକ ପହଞ୍ଚିବା ପରେ ସହରରେ ଶାନ୍ତିଶୃଙ୍ଖଳା ବଜାୟ ରଖିବାକୁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଉଛି । ଏହାରି ମଧ୍ୟରେ ୩ଟି ସ୍ବତନ୍ତ୍ର ବିମାନରେ ୨ ହଜାର CRPF ଯବାନ ମୁମ୍ବାଇରେ ଆସି ପହଞ୍ଚିଛନ୍ତି । ଏହାପୂର୍ବରୁ ମହାରାଷ୍ଟ୍ରର ରାଜନୈତିକ ସଙ୍କଟକୁ ନେଇ କେନ୍ଦ୍ର ସରକାରଙ୍କ ପକ୍ଷରୁ ବିଦ୍ରୋହୀ ବିଧାୟକଙ୍କ ଘର ପରିବାରକୁ ସୁରକ୍ଷା ଯୋଗାଇ ଦେଇଥିଲେ ।
ଗୁରୁବାର ଫ୍ଲୋର୍ ଟେଷ୍ଟ ନେଇ ରାଜ୍ୟପାଳଙ୍କ ଚିଠି ପରେ ଗୌହାଟୀରୁ ଗୋଆରେ ଆସି ପହଞ୍ଚିଛନ୍ତି ବିଧାୟକ । ଆସନ୍ତାକାଲି(ଗୁରୁବାର) ବହୁମତ ପ୍ରମାଣିତ କରିବ ମହା ବିକାଶ ଅଘାଡ଼ି । ଏହାକୁ ସୁପ୍ରିମ କୋର୍ଟରେ ଚ୍ୟାଲେଞ୍ଜ କରିଛି ମହା ବିକାଶ ଅଘାଡ଼ି ।
