ଚଣ୍ଡୀଗଡ: ହରିୟାଣା ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିବ କଂଗ୍ରେସ । ମାର୍ଚ୍ଚ 10 ତାରିଖରେ ବିଜେପି-ଜେଜେପି ସରକାର ବିରୋଧରେ ଗୃହରେ କଂଗ୍ରେସ ଅନାସ୍ଥା ପ୍ରସ୍ତାବ ଆଣିବ ବୋଲି ସୂଚନା ମିଳିଛି ।
ବଜେଟ ଅଧିବେଶନର ପ୍ରଥମ ଦିନରେ ବିରୋଧୀ ଦଳ ନେତା ଭୁପିନ୍ଦର ସିଂ ହୁଡା ଅନାସ୍ଥା ପ୍ରସ୍ତାବ ଗୃହରେ ଆଣିବାକୁ ଚାହୁଁଥିବାବେଳେ ବାଚସ୍ପତି 10 ତାରିଖରେ ଆଣିବାକୁ କହିଛନ୍ତି । ସେହିଦିନ ହିଁ ଏହା ଉପରେ ଆଲୋଚନା ହେବ ବୋଲି କୁହାଯାଉଛି ।
ହରିୟାଣାର ବଜେଟ ଅଧିବେଶନ ଶୁକ୍ରବାର ଠାରୁ ଆରମ୍ଭ ହୋଇଛି । ରାଜ୍ୟପାଳ ସତ୍ୟଦେବ ନାରିନ ଆରୟାଙ୍କ ଅଭିଭାଷଣରେ ଗୃହକାର୍ଯ୍ୟ ଆରମ୍ଭ କରାଯାଇଛି । ସେପଟେ ତାଙ୍କ ଅନାସ୍ଥା ପ୍ରସ୍ତାବ ଗୃହୀତ ହୋଇଛି । ଏହା ଉପରେ ମାର୍ଚ୍ଚ 10 ତାରିଖରେ ଆଲୋଚନା ହେବ । ସେହିଦିନ ଜଣାପଡିବ କିଏ ଚାଷୀଙ୍କ ସମର୍ଥନରେ ଭୋଟ ଦେଉଛନ୍ତି ଓ କିଏ ବିପକ୍ଷରେ ବୋଲି କଂଗ୍ରେସ ନେତା ହୁଡା କହିଛନ୍ତି ।
ଏହି ସରକାର କୃଷକ ବିରୋଧୀ । ତେଣୁ ସରକାର ସମ୍ପୂର୍ଣ୍ଣ ରୂପେ ଲୋକଙ୍କ ଆସ୍ଥା ହରାଇଛି ବୋଲି ସେ କହିଛନ୍ତି ।
