ନୂଆଦିଲ୍ଲୀ: ଆସନ୍ତାକାଲିଠାରୁ ଆରମ୍ଭ ହେବାକୁ ଯାଉଛି ବହୁଚର୍ଚ୍ଚିତ ସଂସଦ ସ୍ବତନ୍ତ୍ର ଅଧିବେଶନ । ଏହା ପୂର୍ବରୁ ଚଳିତ ଅଧିବେଶନରେ ମହିଳା ସଂରକ୍ଷଣ ବିଲ୍ ଆଣିବା ପାଇଁ ଆଜି କଂଗ୍ରେସ ଦାବି କରିଛି । ବ୍ୟବସ୍ଥାପିକାରେ ମହିଳାଙ୍କୁ ଆସନ ସଂରକ୍ଷଣ ସହିତ ଅଧିକ ସୁଯୋଗ ଦେବା ପାଇଁ କଂଗ୍ରେସ କରିଆସୁଥିବା ଦାବିକୁ ଏବେ ଦୋହରାଇଛି । ଏନେଇ ଦଳର ଦାବି ସମ୍ପର୍କରେ ବରିଷ୍ଠ ନେତା ତଥା ଦଳର ସାଧାରଣ ସମ୍ପାଦକ ଜୟରାମ ରମେଶ ଆଜି ଏକ୍ସରେ ଏକ ଟ୍ବିଟ କରି ସୂଚନା ଦେଇଛନ୍ତି । ଜୟରାମ କହିଛନ୍ତି, କଂଗ୍ରେସ କାର୍ଯ୍ୟକାରୀ କମିଟିରେ ଏହି ଦାବି ସମ୍ପର୍କରେ ଆଲୋଚନା କରାଯାଇଛି । ଏହି ସ୍ବତନ୍ତ୍ର ଅଧିବେଶନରେ ସରକାର ମହିଳା ସଂରକ୍ଷଣ ବିଲ ଆଗତ କରିବା ପାଇଁ କଂଗ୍ରେସ ଦଳ ଦାବି କରୁଛି ।
-
The Congress Working Committee has demanded that the Women’s Reservation Bill must be passed during the Special Session of Parliament. Here are some facts on the issue:
— Jairam Ramesh (@Jairam_Ramesh) September 17, 2023 " class="align-text-top noRightClick twitterSection" data="
1. Rajiv Gandhi first introduced Constitution Amendment Bills for one-third reservation in panchayats and…
">The Congress Working Committee has demanded that the Women’s Reservation Bill must be passed during the Special Session of Parliament. Here are some facts on the issue:
— Jairam Ramesh (@Jairam_Ramesh) September 17, 2023
1. Rajiv Gandhi first introduced Constitution Amendment Bills for one-third reservation in panchayats and…The Congress Working Committee has demanded that the Women’s Reservation Bill must be passed during the Special Session of Parliament. Here are some facts on the issue:
— Jairam Ramesh (@Jairam_Ramesh) September 17, 2023
1. Rajiv Gandhi first introduced Constitution Amendment Bills for one-third reservation in panchayats and…
1989 ମହିସାରେ ତତ୍କାଳୀନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ସ୍ଥାନୀୟ ନିର୍ବାଚନରେ ମହିଳାଙ୍କୁ ମୋଟ ଆସନ ସଂଖ୍ୟାର ଏକ ତୃତୀୟାଂଶ ସଂରକ୍ଷଣ ଦେବା ପାଇଁ ସମ୍ବିଧାନ ସଂଶୋଧନ ବିଲ ଆଣିଥିଲେ । 1989 ମସିହା ମେ’ ମାସରେ ଗ୍ରାମ ପଞ୍ଚାୟତ ଓ ନଗର ପାଳିକା ନିର୍ବାଚନରେ ମହିଳାଙ୍କ ସଂରକ୍ଷଣ ପାଇଁ ଆଗତ ଏହି ବିଲ୍ ଲୋକସଭାରେ ଆଗତ ହୋଇ ପାରିତ ମଧ୍ୟ ହୋଇଥିଲା । ହେଲେ ଏହା ଉଚ୍ଚସଦନ ରାଜ୍ୟସଭାରେ ପାରିତ ହୋଇପାରି ନଥିଲା ।
ତେବେ ରାଜୀବ ଗାନ୍ଧୀଙ୍କ ପରେ ମନୋମହନ ସିଂ ସରକାରରେ ମଧ୍ୟ ମହିଳାଙ୍କ ପାଇଁ ଆସନ ସଂରକ୍ଷଣ ବିଚାର ସାମ୍ନାକୁ ଆସିଥିଲା । ଉଭୟ ସଂସଦ ଓ ରାଜ୍ୟ ବିଧାନସଭାରେ ମହିଳାଙ୍କ ପାଇଁ ଏକ-ତୃତୀୟାଂଶ ଆସନ ସଂରକ୍ଷଣ କରିବା ପାଇଁ ଆଗତ ହୋଇଥିବା ବିଲ ରାଜ୍ୟସଭାରେ ପାରିତ ହୋଇଥିଲେ ସୁଦ୍ଧା ଲୋକସଭାରେ ଆଗତ ହୋଇପାରିନଥିଲା । ରାଜୀବ ଗାନ୍ଧୀ ଓ ମନମୋହନ ସିଂଙ୍କର ଏହି ପ୍ରୟାସକୁ ଜୟରାମ ପ୍ରଶଂସା କରିବା ସହ ବର୍ତ୍ତମାନ ସମୟରେ ଭାରତୀୟ ରାଜନୈତିକ ବ୍ୟବସ୍ଥାରେ ମହିଳାଙ୍କ ପାଇଁ ସଂରକ୍ଷଣ ବ୍ୟବସ୍ଥା ଲାଗୁ କରିବା ପାଇଁ ଦାବି କରିଛନ୍ତି । ଏହି ଦାବିକୁ କଂଗ୍ରେସ ପୂର୍ବରୁ ମଧ୍ୟ ସାମ୍ନାକୁ ଆଣିଛି । 2024 ସାଧାରଣ ନିର୍ବାଚନ ପୂର୍ବରୁ ଆଜିଠାରୁ ବସିବାକୁ ଯାଉଥିବା ଏହି 5ଦିନିଆ ସ୍ବତନ୍ତ୍ର ଅଧିବେଶନରେ ମହିଳାଙ୍କ ପାଇଁ ସଂରକ୍ଷଣ ବିଲ୍ ସରକାର ଆଣନ୍ତୁ ବୋଲି ଜୟରାମ କଂଗ୍ରେସ ପକ୍ଷରୁ ସ୍ପଷ୍ଟ କରିଛନ୍ତି ।
ଏହା ମଧ୍ୟ ପଢନ୍ତୁ :- One Nation One Poll: ବିରୋଧ କରିବ କଂଗ୍ରେସ, CWC ବୈଠକ ପରେ ଚିଦାମ୍ବରମଙ୍କ ସୂଚନା
ଆସନ୍ତାକାଲିଠାରୁ ଆରମ୍ଭ ହେବାକୁ ଯାଉଥିବା ସଂସଦ ସ୍ବତନ୍ତ୍ର ଅଧିବେଶନର ଏଜେଣ୍ଡା ସମ୍ପର୍କରେ ସରକାର ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ କରିନାହାନ୍ତି । କେବଳ ଫଳପ୍ରଦ ଆଲୋଚନା ହେବା ନେଇ ସରକାର କହିସାରିଥିବା ବେଳେ କଂଗ୍ରେସ ସଂସଦୀୟ କମିଟି ମୁଖ୍ୟ ସୋନିଆ ଗାନ୍ଧୀ ଏକାଧିକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଗୃହରେ ଆଲୋଚନା ଚାହୁଁଥିବା ଦାବି କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ଅବଗତ କରିଛନ୍ତି । ହେଲେ ଏ ସମ୍ପର୍କରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ଏପର୍ଯ୍ୟନ୍ତ କୌଣସି ପ୍ରତିଉତ୍ତର ଆସିନଥିବା କଂଗ୍ରେସ ଅଭିଯୋଗ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
