ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଆଜି(ବୁଧବାର) ଭେଟିବେ ରାଜସ୍ଥାନ ଓ ଛତିଶଗଡ ମୁଖ୍ୟମନ୍ତ୍ରୀ । ଏନେଇ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଓ ଭୂପେଶ ବଘେଲ ଦିଲ୍ଲୀ ଗସ୍ତ କରିଛନ୍ତି । ଉଭୟ ସୋନିଆଙ୍କୁ ମଧ୍ୟାହ୍ନ 12ଟା 30ରେ ଭେଟିବାର କାର୍ଯ୍ୟକ୍ରମ ରହିଛି । ଉଭୟ ମୁଖ୍ୟମନ୍ତ୍ରୀ ନିଜ ରାଜ୍ୟର ରାଜନୈତିକ ସ୍ଥିତି ବିବରଣୀ ସୋନିଆଙ୍କୁ ପ୍ରଦାନ କରିବା ସହ ଆଗାମୀ ଦିନରେ ଦଳ କିପରି ମଜବୁତ ରହିବ । ସେ ନେଇ ରୋଡମ୍ୟାପ ପ୍ରସ୍ତୁତ ହେବା ନେଇ ଆଲୋଚନା ହେବ ।
ମଙ୍ଗଳବାର ବସିଥିବା ବୈଠକରେ 2024 ଲୋକସଭା ନିର୍ବାଚନ ପାଇଁ ପ୍ରସ୍ତୁତ ନେଇ ଆଲୋଚନା ହୋଇଥିଲା । ଏଥିରେ ପ୍ରଶାନ୍ତ କିଶୋର, ଅମ୍ବିକା ସୋନି, ଏ.କେ ଆଣ୍ଟୋନି, କମଲନାଥ, ମୁକୁଲ ଓ୍ବାସନିକ, ଦିଗବିଜୟ ସିଂ, କେସି ଭେନୁଗୋପାଲ, ଜୟ ରାମ ରମେଶ ଏବଂ ରଣଦୀପ ସୁରଜେୱାଲା(Randeep Surjewala )ଙ୍କ ସମେତ ବହୁ ବରିଷ୍ଠ ନେତା ଉପସ୍ଥିତ ଥିଲେ । ଆଗାମୀ ଦିନରେ ଏଭଳି ବୈଠକ ହେବ ବୋଲି ବିଶେଷ ସୂତ୍ରରୁ ଜଣାପଡିଛି ।
@ANI
