ଡେରାଡୁନ: ଆରମ୍ଭ ହୋଇଛି ଭାରତୀୟଙ୍କ ପାରମ୍ପରିକ ନବବର୍ଷ । ନବରାତ୍ରିର ପ୍ରଥମ ଦିନକୁ ଚୈତ୍ର ନବରାତ୍ରି କୁହାଯାଏ । ଆଜି ନବରାତ୍ରୀର ଦ୍ବିତୀୟ ଦିନ । ନବରାତ୍ରୀରେ ମା’ ଦୁର୍ଗା ୯ଟି ରୂପରେ ପୂଜା ପାଇଥାନ୍ତି । ଆଜିର ଦିନରେ ମା ବ୍ରହ୍ମଚାରିଣୀ ରୂପରେ ପୂଜା ପାଇବେ । ପୌରାଣିକ କଥାନୁଯାୟୀ, ତେବେ ମା’ ଭଗବାନ ଶିବଙ୍କୁ ପତି ରୂପେ ପାଇବା ପାଇଁ କଠିନ ତପସ୍ୟା କରିଥିଲେ । ଏହି କଠିନ ତପସ୍ୟା ପାଇଁ ଦେବୀଙ୍କ ନାମ ତପଶ୍ଚାରିଣୀ ଅର୍ଥାତ୍ ବ୍ରହ୍ମଚାରିଣୀ ହୋଇଛି ।ମାତାଙ୍କର ଏହି ରୂପ ଅତ୍ୟନ୍ତ ଶାନ୍ତ ଏବଂ ମନୋଲୋଭୀ ଅଟେ । ବିଶ୍ବାସ କରାଯାଏ ଯେ, ଆଜିର ଦିନରେ ଭକ୍ତ ଯେଉଁ ମାନସିକ କରେ ତାହା ପୂରଣ ହୁଏ ।
କୁହାଯାଏ ଯେ ଆଜି ଯିଏ ମା ବ୍ରହ୍ମଚାରିଣୀଙ୍କୁ ପୂଜା କରେ, ସେ ଜୀବନର ଯେକୌଣସି କ୍ଷେତ୍ରରେ ଜିତିବାର ଶକ୍ତି ହାସଲ କରିଥାଏ । ଏହାଦ୍ବାରା ମନୁଷ୍ୟର ସଂଯମତା, ଧୌର୍ଯ୍ୟ ଏବଂ ପରିଶ୍ରମ ପାଇଁ ମନୋବଳ ଦୃଢ ହୋଇଥାଏ । ଯଦି ଆପଣ ମଧ୍ୟ କୌଣସି କାର୍ଯ୍ୟରେ ବିଜୟ ନିଶ୍ଚିତ କରିବାକୁ ଚାହାଁନ୍ତି, ତେବେ ଦେବୀ ବ୍ରହ୍ମଚରିଣୀଙ୍କ ଓଂ ହିଂ କ୍ଲିଙ୍ଗ ବ୍ରହ୍ମଚାରାୟ ନମଃ ।
ଅତି କମରେ ଏହି ମନ୍ତ୍ରକୁ 108 ଥର ଜପ କରିବା ଉଚିତ । ଏହା ଦ୍ବାରା ବିଭିନ୍ନ କାର୍ଯ୍ୟରେ ଆପଣ ବିଜୟ ହାସଲ କରିବେ । ଆଜି ମାତାଙ୍କୁ ମିଠା ଏବଂ ପଞ୍ଚାମୃତ ଭୋଗ ଚଢାଇବା ଦ୍ବାରା ବ୍ୟକ୍ତି ଦୀର୍ଘାୟୁ ବୋଇଥାଏ । ଏହା ସହିତ, ନଅଟି ଗ୍ରହ ମଧ୍ୟରୁ ମଙ୍ଗଳ ଗ୍ରହ ମା ବ୍ରହ୍ମଚାରିଣୀଙ୍କ ଦ୍ୱାରା ପରିଚାଳିତ ଅଟେ । ତେଣୁ ମଙ୍ଗଳ ଗ୍ରହ ସହ ଜଡିତ ସମସ୍ୟାରୁ ମୁକ୍ତି ପାଇବା ପାଇଁ ଆଜି ମାତା ବ୍ରହ୍ମଚରିଣୀଙ୍କୁ ପୂଜା କରିବା ଅତ୍ୟନ୍ତ ଲାଭଦାୟକ ହେବ। ଆପଣ ମାତାଙ୍କୁ ଚିନିରେ ତିଆରି ଖିରୀ, ମିଠା, ପୁଡିଙ୍ଗ ଆଦି ଭୋଗ ଦେଇପାରିବେ । ଯଦି ତୁମେ ଖିରୀକୁ ମାତାଙ୍କୁ ଅର୍ପଣ କରି ପ୍ରସାଦ ଭାବରେ ଖାଇବାକୁ ଚାହୁଁଛନ୍ତି ତେବେ ସାବୁଦାନାରୁ ପ୍ରସ୍ତୁତ ଖୀରିକୁ ଅର୍ପଣ କରିପାରିବେ ।
ମାତା ବ୍ରହ୍ମଚରିଣୀଙ୍କୁ ପୂଜା କରିବା ପାଇଁ, ସକାଳୁ ଉଠି ଗାଧୋଇ ପ୍ରଥମେ ସଫା ପୋଷାକ ପିନ୍ଧନ୍ତୁ ।ଏହା ପରେ ମନ୍ଦିରକୁ ଭଲ ଭାବରେ ସଫା କର । ଦେବୀ ବ୍ରହ୍ମଚାରିଣୀଙ୍କୁ ପୂଜା କରିବାବେଳେ ସର୍ବପ୍ରଥମେ ହାତରେ ଗୋଟିଏ ଫୁଲ ନେଇ ଧ୍ୟାନ କରନ୍ତୁ ଏବଂ ପ୍ରାର୍ଥନା କରନ୍ତୁ । ଏହା ପରେ, ଦେବୀଙ୍କୁ ପଞ୍ଚାମୃତରେ ସ୍ନାନ ଦିଅନ୍ତୁ । କଳସ ସ୍ଥାପନ ପାଇଁ ମାଟି ହାଣ୍ଡି, ଜୌ, ମାଟି, ପୂର୍ଣ୍ଣ କୁମ୍ଭ, ରକ୍ଷା ସୂତ୍ର, ଅଳେଇଚ, ଲବଙ୍ଗ, କର୍ପୂର, ନାଲି ସିନ୍ଦୂର, ଗୁଆ, ଅରୁଆ ଚାଉଳ, ମୁଦ୍ରା, ଅଶୋକ କିମ୍ବା ଆମ୍ବର ପାଞ୍ଚଟି ପତ୍ର, ନଡିଆ, ଚୁନେରି, ସିନ୍ଦୁର, ଫଳ ଫୁଲ, ଫୁଲର ମାଳ ଏବଂ ଶୃଙ୍ଗାର ବାକ୍ସ ମଧ୍ୟ ଆବଶ୍ୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
