ନୂଆଦିଲ୍ଲୀ: ଦେଶରେ ଜାରି ରହିଛି କ୍ୟାମ୍ପେନ ମୋଡରେ ଟୀକାକରଣ । ଏନେଇ କେନ୍ଦ୍ର ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡିକୁ ମାଗଣାରେ ଟିକା ଯୋଗାଉଛି । ଏପର୍ଯ୍ୟନ୍ତ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳ ଗୁଡିକୁ କେନ୍ଦ୍ର ୫୨.୩୭ କୋଟି କୋରୋନା ଟିକା ଯୋଗାଇଛି । ଏନେଇ କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ତରଫରୁ ସୂଚନା ପ୍ରଦାନ କରାଯାଇଛି ।
୫୨କୋଟି ୩୭ ଲକ୍ଷ ୫୦ ହଜାର ୮୯୦ କୋରୋନା ଟିକାର ଡୋଜ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡିକୁ କେନ୍ଦ୍ର ଦେଇଥିବା ବେଳେ ସେଥି ମଧ୍ୟରେ ୫୦ କୋଟି ୩୨ ଲକ୍ଷ ୭୭ ହଜାର ୯୪୨ ଟିକା ବ୍ୟାବହାର ହୋଇଛି । ଏବେ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ଗୁଡିକରେ ୨ କୋଟି ୪୨ଲକ୍ଷ ୮୭ ହଜାର, ୧୬୦ କୋଭିଡ ଟିକା ମହଜୁଦ ରହିଛି । ଅଧିକ ଟୀକାକରଣ ଉପଲବ୍ଧ ହେବା ଦ୍ୱାରା ଟୀକାକରଣ ଡ୍ରାଇଭ୍ ବୃଦ୍ଧି ପାଇଛି ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି।
ଜୁନ୍ ୨୧ରେ କ୍ୟାମ୍ପେନ ମୋଡରେ ଦେଶବ୍ୟାପୀ ଟୀକାକରଣ ଆରମ୍ଭ ହୋଇଥିଲା । ଅଧିକ ଟିକା ଉପଲବ୍ଧ ହେବା ଦ୍ୱାରା ଟୀକାକରଣ ଡ୍ରାଇଭ୍ କାର୍ଯ୍ୟ କରାଯାଇଛି, ଯେଉଁଥିରେ କେନ୍ଦ୍ର ସରକାର ସହାୟତା କରୁଛନ୍ତି ବୋଲି ମନ୍ତ୍ରଣାଳୟ କହିଛି।
@ANI
