ଶିମଲା: ଚଳିତ ବର୍ଷ ହିମାଚଳ ପ୍ରଦେଶରେ ପ୍ରକୃତିର ଭୀଷଣ କୋପ ଦୃଷ୍ଟି ପଡିଛି । ଦୀର୍ଘ ଦିନ ହେଲାଣି ଲଗାଣ ବର୍ଷା ଓ ଭୂସ୍ଖଳନରେ ପାହାଡି ରାଜ୍ୟରେ ଧନଜୀବନ କ୍ଷୟକ୍ଷତି ବଢିଚାଲିଛି । ରାଜ୍ୟରେ ହଜାର ହଜାର କୋଟିର ସମ୍ପତ୍ତି ନଷ୍ଟ ହୋଇସାରି ଥିବାବେଳେ ଆଗକୁ ମଧ୍ୟ ଏହା କମିବାର କୌଣସି ସଙ୍କେତ ଦେଖାଯାଉନି । ହିମାଚଳର ବିଭିନ୍ନ ସ୍ଥାନରେ ଭୂସ୍ଖଳନ ହେଉଛି । ଏଥିରେ ଉଭୟ ସରକାରୀ ସମ୍ପତ୍ତି ଓ ଘରୋଇ ସମ୍ପତ୍ତି ନଷ୍ଟ ହେଉଛି । ଏବେ କୁଲ୍ଲୁ ଜିଲ୍ଲାର ଆନୀ ଅଞ୍ଚଳରୁ ସଦ୍ୟ ଭୂସ୍ଖଳନ ମାମଲା ସାମ୍ନାକୁ ଆସିଛି । ଆଜି ସକାଳେ ଏଠାରେ ଭୂସ୍ଖଳନରେ ପାହାଡର ଗୋଟିଏ ବଡ ଭାଗ ଧସି ଯିବାରୁ ଅନେକ ଘରଦ୍ବାର ମାଟିରେ ମିଶିଯାଇଛି ।
-
#WATCH | Himachal Pradesh: Several houses collapsed due to landslides in Anni town of Kullu district.
— ANI (@ANI) August 24, 2023 " class="align-text-top noRightClick twitterSection" data="
(Visuals confirmed by police) pic.twitter.com/K4SkRy5bjk
">#WATCH | Himachal Pradesh: Several houses collapsed due to landslides in Anni town of Kullu district.
— ANI (@ANI) August 24, 2023
(Visuals confirmed by police) pic.twitter.com/K4SkRy5bjk#WATCH | Himachal Pradesh: Several houses collapsed due to landslides in Anni town of Kullu district.
— ANI (@ANI) August 24, 2023
(Visuals confirmed by police) pic.twitter.com/K4SkRy5bjk
ସୂଚନା ଅନୁସାରେ, ସକାଳ ପ୍ରାୟ ସାଢେ ୯ଟା ବେଳେ ଆନି ଅଞ୍ଚଳରେ ବଡ ଧରଣର ଭୂସ୍ଖଳନ ହୋଇଛି । ଏଥିରେ ଅନେକ ଘରଦ୍ବାର ସହ ହୋଟେଲ ତାସ୍ ଘର ପରି ଆଖି ପିଛୁଳାକେ ଭୁଶୁଡି ପଡିବାର ଚିତ୍ର ସାମ୍ନାକୁ ଆସିଛି । ତେବେ ଏଥିରେ କେହି ମୃତାହତ ହୋଇନାହାନ୍ତି । କାରଣ ସମ୍ଭାବ୍ୟ ବିପଦ ନେଇ ଗୋଟିଏ ସପ୍ତାହ ପୂର୍ବରୁ ଜିଲ୍ଲା ପ୍ରଶାସନ ସେହି ଘରଗୁଡିକୁ ଖାଲି କରି କରିବାକୁ ନିର୍ଦ୍ଦେଶ ଦେଇଥିଲା । ଭୂସ୍ଖଳନରେ ୮ରୁ ୯ଟି ବିଲ୍ଡିଂ ଭୁଶୁଡି ଥିବାର ଅନୁମାନ କରାଯାଉଛି । ଏହି ସମୟରେ ଆଖପାଖ ଲୋକଙ୍କ ଚିତ୍କାର ପୁରା ଅଞ୍ଚଳର ଶିହରି ଉଠିଥିଲା ।
କୁହାଯାଉଛି ଯେ, ଆଖପାଖରେ ଥିବା ଆଉ କିଛି ଘର ପ୍ରତି ମଧ୍ୟ ବିପଦ ରହିଛି । ଯଦି ପାଗ ଏମିତି ଖରାପ ରୁହେ ତାହାହେଲେ ବାକି ଘରଗୁଡିକ ଭୂସ୍ଖଳନରେ ନଷ୍ଟ ହେବାର ଆଶଙ୍କା ରହିଛି । ତେବେ ଆଜିର ଅଘଟଣ ପରେ ପ୍ରଶାସନ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ତେବେ ଭୂସ୍ଖଳନ ପାଇଁ ଆନୀର ୩୦୫ ନଂ ଜାତୀୟ ରାଜପଥରେ ଯାତାୟତ ପ୍ରଭାବିତ ହୋଇଛି । ଆନୀ ଏସଡିଏମ ନରେଶ ବର୍ମା କହିଛନ୍ତି ଯେ, ସ୍ଥାନୀୟ ଅଞ୍ଚଳରେ ବର୍ତ୍ତମାନ ୨ଟି ଘର ପ୍ରତି ଅଧିକ ବିପଦ ରହିଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଆଶ୍ବସ୍ତିକର ବିଷୟ ଏହା ଯେ, ବିପଦ ଆଶଙ୍କା କରି ପୂର୍ବରୁ ଘରଗୁଡିକ ଖାଲି କରାଯାଇ ଥିବାରୁ ଏଥିରେ କୌଣସି ଜୀବନ ହାନି ହୋଇନାହିଁ ।
ଏହାମଧ୍ୟ ପଢନ୍ତୁ: Kangra Landslide: ପରମାର ନଗରରେ ଯୋଶୀମଠ ସ୍ଥିତି, ୩ କିମି ପର୍ଯ୍ୟନ୍ତ ମାଟିରେ ଫାଟ
ବ୍ୟୁରୋ ରିପୋର୍ଟ, ଇଟିଭି ଭାରତ
