ନୂଆଦିଲ୍ଲୀ: ଜେଲ ଅନ୍ତେବାସୀ HIV ସଂକ୍ରମିତ ! ଜଣେ କି ଦୁଇ ଜଣ ନୁହନ୍ତି ବରଂ ଏକାଥରକେ 140 କଏଦୀ HIVରେ ସଂକ୍ରମିତ ହୋଇଥିବା ପରୀକ୍ଷାରୁ ଜଣାପଡିଛି । ଏହା ଜଣାପଡିବା ପରେ ଜେଲ କତ୍ତୃପକ୍ଷଙ୍କ ଚିନ୍ତା ବଢିଛି । ଗାଜିଆବାଦର ଡାସନା ଜେଲରେ(Dasna Jail of Ghaziabad) ଏପରି କିଛି ଘଟଣା ଏବେ ଚିନ୍ତା ସୃଷ୍ଟି କରିଛି । ଉକ୍ତ ଜେଲରେ ଏବେ ମୋଟ 5,500 କଏଦୀ ରହିଛନ୍ତି । ସେମାନଙ୍କୁ ମଧ୍ୟରୁ 140 କଏଦୀ HIV ରେ ସଂକ୍ରମିତ ହୋଇଥିବା ସେମାନଙ୍କ ରକ୍ତ ନମୂନା ପରୀକ୍ଷାରୁ ସ୍ପଷ୍ଟ ହୋଇଛି । ସଂକ୍ରମିତଙ୍କ ମଧ୍ୟରେ 35 କଏଦୀ ଯକ୍ଷ୍ମାରେ ମଧ୍ୟ ପୀଡିତ ଅଛନ୍ତି ।
ତେବେ ଏତେ ସଂଖ୍ୟକ କଏଦୀ କିପରି ସଂକ୍ରମିତ ହେଲେ ତାର ତଦନ୍ତ ଆରମ୍ଭ ହୋଇଛି । ଏମାନେ ସଂକ୍ରମିତ ହୋଇ ଜେଲକୁ ଆସିଥିଲେ, ନା ଜେଲ ପରିସରେ ସଂକ୍ରମଣ ହୋଇଛି ତାହା ସ୍ପଷ୍ଟ ହୋଇନି । ସଂକ୍ରମିତଙ୍କୁ ରାଜ୍ୟ ଏଡସ ନିୟନ୍ତ୍ରଣ ବୋର୍ଡ ସହଯୋଗରେ ଚିକିତ୍ସା ମଧ୍ୟ କରାଯାଉଛି । ତେବେ ଏପରି ତଥ୍ୟ ସାମ୍ନାକୁ ଆସିବା ପରେ ଅନ୍ୟ କଏଦୀଙ୍କ ସ୍ବାସ୍ଥ୍ୟ ସୁରକ୍ଷା ନେଇ ଉଦବେଗ ମଧ୍ୟ ବଢିଛି । ସଂକ୍ରମିତ ରୋଗୀଙ୍କୁ ଚିକତ୍ସା ନିରୀକ୍ଷଣରେ ରଖାଯାଇଥିବା ଜେଲ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
