ନୂଆଦିଲ୍ଲୀ: ରାଜ୍ୟସଭାରେ ସମସ୍ତ ବିଜେପି ସାଂସଦ ଉପସ୍ଥିତ ରହିବା ପାଇଁ ଦଳ ପକ୍ଷରୁ ହ୍ବିପ୍ ଜାରି । ଫେବୃଆରୀ 8ରୁ ଫେବୃଆରୀ 12 ତାରିଖ ଯାଏଁ ଗୃହରେ ଉପସ୍ଥିତ ରହିବାକୁ ଜାରି ହୋଇଛି ହ୍ବିପ୍ ।
ରାଜ୍ୟସଭାରେ ବିଜେପିର ସଂଖ୍ୟା ଅଧିକ ନଥିବାରୁ ଦଳର ସମସ୍ତ ସାଂସଦଙ୍କୁ ଗୃହରେ ଉପସ୍ଥିତ ରହି ସମର୍ଥନ କରିବାକୁ କୁହାଯାଇଛି । ଏନେଇ ବିଜେପି ପକ୍ଷରୁ ଏକ ତିନି ଧାଡିଆ ହ୍ବିପ୍ ଜାରି କରାଯାଇଛି ।
ସୂଚନାଥାଉକି, ରାଜ୍ୟସଭାରେ ବିଜେପିର 93 ଜଣ ସାଂସଦ ଥିବାବେଳେ ଏନଡିଏର ସମୁଦାୟ 118 ଜଣ ସାଂସଦ ରହିଛନ୍ତି । ସେହିପରି ୟୁପିଏର 122 ଓ ଅନ୍ୟ ଦଳର 65 ଜଣ ସାଂସଦ ରହିଛନ୍ତି ।
ତେବେ ବିଜେପି ଫେବୃଆରୀ 8 ତାରିଖରୁ ଫେବୃଆରୀ 12 ତାରିଖ ଯାଏ ହ୍ବିପ୍ ଜାରି କରିଥିବାରୁ ଏହାରି ଭିତରେ ସରକାର କିଛି ବଡ ବିଲ ଆଣିପାରନ୍ତି ବୋଲି ଚର୍ଚ୍ଚା ହେଉଛି ।
@ANI
