ଗାନ୍ଧୀନଗର: ଆଦିବାସୀ ଝିଅ ସହ ପ୍ରେମ ସଂପର୍କ ରଖିବାରୁ ଜଣେ ମୁସଲିମ ନାବାଳକକୁ ପିଟିପିଟି ହତ୍ୟା କରାଯାଇଛି । ହତ୍ୟାରେ ସଂପୃକ୍ତ ଥିବା ଅଭିଯୋଗରେ 4ଜଣଙ୍କୁ ପୋଲିସ ଗିରଫ କରିଛି । ମୃତକଙ୍କ ନାମ ଫୟାଜ(17) ।
ଝାଗଡିଆ ଅଞ୍ଚଳରେ ଗତ ଜୁଲାଇ 24 ତାରିଖରେ ଫୟାଜଙ୍କୁ ପିଟିପିଟି ହତ୍ୟା କରାଯାଇଥିଲା । ଏହାପରେ ପରିବାର ପକ୍ଷରୁ ଝାଗଡିଆ ଥାନାରେ ଅଭିଯୋଗ ହୋଇଥିଲା । ପୋଲିସ ଘଟଣାର ତଦନ୍ତ କରିବା ସହ 4ଜଣଙ୍କୁ ଗିରଫ କରିଛି । ଫୟାଜ 5ଜଣ ସାଙ୍ଗଙ୍କ ସହିତ ଅଙ୍କଲେଶୱାର ଯାଇଥିବାବେଳେ ତାଙ୍କୁ ହତ୍ୟା କରାଯାଇଥିବା ଫୟାଜଙ୍କ ପିତା କହିଛନ୍ତି । ତାଙ୍କ ପୁଅ ସହ ଅନ୍ୟାୟ ହୋଇଥିବା ସେ ପ୍ରକାଶ କରିଛନ୍ତି । ସେହିପରି ଅନ୍ୟ ଅଭିଯୁକ୍ତଙ୍କୁ ଶୀଘ୍ର ଗିରଫ କରାଯିବା ବୋଲି ପୋଲିସ କହିଛି ।
