ନାଗପୁର: ଭୋଟ ଦେଲେ ବିଶ୍ବର ସବୁଠୁ ଛୋଟ ମହିଳା। ମହାରାଷ୍ଟ୍ରର ନାଗପୁର ନିର୍ବାଚନୀ ମଣ୍ଡଳୀରୁ ସେ ଭୋଟ ଦେଇଛନ୍ତି । ତେବେ ପୋଲିଂ ବୁଥରେ ଭୋଟରଙ୍କ ଭିତରେ ସେ ପାଲଟିଥିଲେ ଆକର୍ଷଣର କେନ୍ଦ୍ରବିନ୍ଦୁ । ନିଜେ ଭୋଟ ଦେବା ସହ ସେ ଅନ୍ୟମାନଙ୍କୁ ଭୋଟ ଦେବା ପାଇଁ ମଧ୍ୟ ଅନୁରୋଧ କରିଛନ୍ତି ।
ଲୋକସଭା ନିର୍ବାଚନ ପ୍ରଥମ ପର୍ଯ୍ୟାୟ ନିର୍ବାଚନରେ ମହାରାଷ୍ଟ୍ରର 7 ନିର୍ବାଚନୀ ମଣ୍ଡଳୀରେ ସୁରୁଖୁରରେ ମତଦାନ ସଂଗ୍ରହ ହୋଇଛି । ନାଗପୁରରେ ଥିବା ପୋଲିଂ ବୁଥରେ ଭୋଟ ଦେବାକୁ ପହଞ୍ଚିଥିଲେ ବିଶ୍ବର ସବୁଠୁ ଛୋଟ ମହିଳା ଜ୍ୟୋତି ଆମଗୋ।
2011 ମସିହାରେ ଗିନିଜ ୱାର୍ଲ୍ଡ ରେକର୍ଡରେ ତାଙ୍କ ନାମ ସ୍ଥାନ ପାଇଥିଲା । ଜ୍ୟୋତିଙ୍କର ଉଚ୍ଚତା ମାତ୍ର 63 ସେଣ୍ଟିମିଟର ଓ ବୟସ 25 ବର୍ଷ । ସେ ଆଜି ଭୋଟ ଦାନ ପରେ ନିଜ ଫଟୋ ଫେସବୁକରେ ପୋଷ୍ଟ କରିଛନ୍ତି ।
