ସାରା ବିଶ୍ବରେ ଥିବା ଆସ୍ଥମା ରୋଗୀଙ୍କ ମଧ୍ୟରେ ସଚେତନ କରିବା ଲକ୍ଷ୍ୟରେ ମେ' ମାସର ପ୍ରଥମ ମଙ୍ଗଳବାରକୁ ବିଶ୍ବ ଆସ୍ଥମା ଦିବସ(World Asthma Day) ଭାବେ ପାଳନ ହେଉଛି । ତେବେ ଆସ୍ଥମା ରୋଗୀଙ୍କ ଇମ୍ୟୁନୋ ସିଷ୍ଟମ ଦୁର୍ବଳ ଥିବାରୁ, ସେମାନଙ୍କୁ ଅଧିକ ସଂକ୍ରମଣର ବିପଦ ରହିଥାଏ ।
ଆର୍ଟିଫିସିଆଲ ସ୍ବିଟନର
ଆସ୍ଥମା ଓ ଏଲର୍ଜି ଫାଉଣ୍ଡେସନ ଅଫ ଆମେରିକା(AAFA) ଅନୁସାରେ, ଆସ୍ଥମା ରୋଗୀଙ୍କୁ ଆର୍ଟିଫିସିଆଲ ସ୍ବିଟନର(ମିଠା) ଠାରୁ ଦୂରରେ ରହିବା ଜରୁରୀ । କାରଣ ଏହି ଆର୍ଟିଫିସିଆଲ ମିଠା ସାଧାରଣତଃ ଡାଇଟ ସୋଡା ଓ ଜୁସରେ ରହିଥାଏ । ଏହା ସେବନ କରିବା ଦ୍ବାରା ଏହା ଆଲର୍ଜିକୁ ବଢାଇବା କାମ କରିଥାଏ । ଏହାସହ ଆସ୍ଥମା ରୋଗୀଙ୍କୁ ପ୍ରିଜର୍ଭେଟିଫ ଫୁଡ ଆଇଟମ ଠାରୁ ମଧ୍ୟ ଦୂରେଇ ରହିବା ଦରକାର ।
ପ୍ରୋସେସ ଫୁଡ/ ପ୍ୟାକେଟ ତିଆରି ଖାଦ୍ୟ
ବଜାରରେ ମିଳୁଥିବା ପ୍ୟାକେଟରେ ଖାଦ୍ୟକୁ ଖାଇବା ଦ୍ବାରା ଆସ୍ଥମା ରୋଗୀଙ୍କୁ ଶ୍ବାସ ନେବାରେ ସମସ୍ୟା ହୋଇପାରେ । ଖାସ କରି ଛୋଟ ପିଲାଙ୍କ ପାଇଁ ଏହା ଅଧିକ ବିପଦ । ଗ୍ରୋସୀରି ଷ୍ଟୋରରେ ଏମିତି ଅନେକ ପ୍ରସେସ ଫୁଡ ମିଳେ । ଯେଉଁଥିରେ ପ୍ରିଜର୍ଭେଟିଭ ଓ ଆର୍ଟିଫିସିଆଲ କ୍ୟାଲୋରୀ ରହିଥାଏ । ଯାହା ଫୁସଫୁସକୁ କ୍ଷତି ପହଞ୍ଚାଇ ପାରେ । ସେଥିପାଇଁ ଫାଷ୍ଟଫୁଡ, ଡିପ ଫ୍ରାଇଡ ଫ୍ରୁଟସ, ପ୍ୟାକେଟ ଫୁଡ ଆସ୍ଥମା ଲକ୍ଷଣକୁ ଆହୁରି ବଢାଇ ଦିଏ ।
ଭେଜିଟେବୁଲ ଅଏଲ
ଭେଜିଟେବୁଲ ଅଏଲର ବ୍ୟବହାର ଖାସ କରି ସାଲାଡ ଓ କେକ ଡ୍ରେସିଂଙ୍ଗ କରିବାକୁ ବ୍ୟବହାର କରାଯାଏ । ଏଥିରେ ପ୍ରିଜର୍ଭେଟିଭ ଥାଏ । ଯାହାଯୋଗୁ ଶରୀରରେ ଜ୍ବଳନ ଓ ନାଲି ପକାଇ ଦେଇଥାଏ । ଅଧିକ ତାପମାତ୍ରାରେ ଭେଜିଟେବୁଲ ଅଏଲ ରୋଷେଇ କରିବା ଦ୍ବାରା ଅନେକ ପ୍ରକାର ବିଶାକ୍ତ ପଦର୍ଥ ବାହାରି ଥାଏ । ଯାହା ଆସ୍ଥମା ରୋଗୀଙ୍କ ପାଇଁ ବହୁତ ହାନୀକାରକ ।
ଛଣା ଖାଦ୍ୟ
ଆସ୍ଥମା ରୋଗୀମାନେ ଯେତେଦୂର ସମ୍ଭମ ଛଣା ଖାଦ୍ୟ ଠାରୁ ଦୂରେଇ ରୁହନ୍ତୁ । ଏହା ବ୍ୟତୀତ ଆସ୍ଥମା ରୋଗୀଙ୍କୁ ଅଧିକ ଲୁଣ ମଧ୍ୟ ଖାଇବା କଥା ନୁହେଁ ।
ଦୁଗ୍ଧ ଜାତୀୟ ଦ୍ରବ୍ୟ
କ୍ଷୀର ଏବଂ ଆଇସକ୍ରିମ ଭଳି ଦୁଗ୍ଧ ଜାତୀୟ ଦ୍ରବ୍ୟ ସେବନ କରିବା ଦ୍ବାରା ଏହା ଆସ୍ଥମାକୁ ଆହୁରି ବଢାଇବା ଦିଗରେ ସାହାଯ୍ୟ କରେ । କାରଣ ଏହା ସେବନ କରିବା ଦ୍ବାରା ଫୁସଫୁସରେ କଫ ଜମିବାର ଆଶଙ୍କା ରହିଥାଏ । ତେଣୁ ଆସ୍ଥମା ରୋଗୀଙ୍କୁ ଗ୍ରୀକ ୟୋଗର୍ଟ ଖାଇବାକୁ ପରାମର୍ଶ ଦିଆଯାଏ ।
