ହାଇଦ୍ରାବାଦ: ମାଲକଜଗିରି ଜୋନରୁ ଗୋଟିଏ ଅନ୍ତଃରାଷ୍ଟ୍ରୀୟ ମାନବ ଚାଲାଣ ରାକେଟ ସ୍ବତନ୍ତ୍ର ଅପରେସନ ଟିମ ଦ୍ବାରା ଧରାପଡିଛି । ରଚକୋଣ୍ଡା ଓ ସ୍ଥାନୀୟ ପୋଲିସ ସହାୟତାରେ ଏହି ଅପରେସନ କରାଯାଇଥିଲା । ଏହି ଘଟଣାରେ ପୋଲିସ ଏକ ମାମଲା ରୁଜୁ କରିଛି । ଏହି ଘଟଣାରେ ଜଣେ ତାଞ୍ଜାନିଆ ମହିଳାଙ୍କୁ ଗିରଫ କରାଯାଇଥିବାବେଳେ ତାଙ୍କ ଠାରୁ ଦୁଇଜଣ ତାଞ୍ଜାନିଆ ମହିଳାଙ୍କୁ ଉଦ୍ଧାର କରାଯାଇଛି । ପୋଲିସ ମହିଳାଙ୍କ ବିରୋଧରେ ଭାରତୀୟ ପିଙ୍ଗଳ କୋର୍ଟର ଧାରା 370ଏ, ସେକ୍ସନ 3,4 ଓ 5 ସହିତ ମାନବ ଚାଲାଣ ଧାରା( ପିଆଇଟିଏ), ଶରଣାର୍ଥୀ ଧାରା 14, ବିଦେଶୀ ନାଗରିକ ଧାରା 7 ଆଦିରେ ମାମଲା ରୁଜୁ କରାଯାଇଛି ।
ସୂଚନା ଅନୁସାରେ, ଗତ 19 ତାରିଖ ନରେଦମେଟ ଅଞ୍ଚଳର ଭାରନି କଲୋନୀରେ ଥିବା ଶେଷ ସାଇ ଶ୍ରୀନିବାସ ଆପାର୍ଟମେଣ୍ଟରେ ଅନୈତିକ କାର୍ଯ୍ୟ ହେଉଥିବାର ପୋଲିସ ସୂଚନା ପାଇଥିଲା । ଏହାପରେ ସ୍ବତନ୍ତ୍ର ଅପରେସନ ଟିମ ସାହାଯ୍ୟରେ ଏହି ଚଢାଉ କରାଯାଇଥିଲା । ଦଲାଲ ମହିଳା ଜଣକ ଅନ୍ୟ ମହିଳାମାନଙ୍କୁ ଅନୈତିକ କାର୍ଯ୍ୟରେ ଲିପ୍ତ କରାଇବା ସହ ପ୍ରାପ୍ତ ଅର୍ଥର 50 ପ୍ରତିଶତ ନିଜେ ରଖୁଥିବା ପୋଲିସକୁ କହିଛି ।
