ନୂଆଦିଲ୍ଲୀ: ବର୍ତ୍ତମାନ ସମୟରେ ଦେଶରେ ମହିଳାଙ୍କ ସୁରକ୍ଷା ନେଇ ପ୍ରଶ୍ନ ଉଠୁଥିବା ବେଳେ ରାଜଧାନୀ ଦିଲ୍ଲୀର ଅଜମରୀ ଗେଟ ରେଳଷ୍ଟେସନରେ ମହିଳାଙ୍କ ଉପରକୁ ରାସାୟନିକ ପାଉଡର ମାଡ ହୋଇଛି । ଜଣେ ଯୁବକ ମହିଳାଙ୍କ ଉପରକୁ କେମିକାଲ ପକାଇ ଫେରାର ହୋଇଯାଇଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ଇଟିଭି ଭାରତ
କେମିକାଲ ଆଟାକ ହୋଇଥିବା ମହିଳାଙ୍କୁ ସଙ୍ଗେସଙ୍ଗେ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ମହିଳାଙ୍କୁ 30 ବର୍ଷ ହୋଇଥିବା ଜଣାପଡିଛି । ମହିଳାଙ୍କ ସହ ଆସିଥିବା ଯୁବକ ଜଣକ ହିଁ କେମିକାଲ ପକାଇଥିବା ନେଇ ସୂଚନା ମିଳିଛି ।
ପୀଡିତା ମହିଳା ଓ ଯୁବକ ଜଣକ ଉଭୟ ଷ୍ଟେସନରେ ଭିକ୍ଷାବୃତ୍ତି କରୁଥିଲେ । ଦୁହିଙ୍କ ମଧ୍ୟରେ କୌଣସି କାରଣରୁ ଝଗଡା ହେବାରୁ ଯୁବକ ଜଣକ କେମିକାଲ ପକାଇ ଦେଇଥିଲେ । ପୋଲିସ ପୀଡିତାଙ୍କ ବୟାନ ରେକର୍ଡ କରୁଥିବା ବେଳେ ମାମଲାର ଯାଞ୍ଚ କରୁଛି ।
