ବେଙ୍ଗାଲୁରୁ: ୱିପ୍ରୋ ସିଇଓ ଏବଂ ପରିଚାଳନା ନିର୍ଦ୍ଦେଶକ ଆବିଡ ଅଲି ନିମୁଚୱାଲା ପାରିବାରିକ କାରଣରୁ କମ୍ପାନୀରୁ ଇସ୍ତଫା ଦେବାକୁ ନିଷ୍ପତ୍ତି ନେଇଛନ୍ତି । ଏନେଇ ୱିପ୍ରୋ ପକ୍ଷରୁ ସୂଚନା ଦିଆଯାଇଛି । କମ୍ପାନୀ ପକ୍ଷରୁ ପରବର୍ତ୍ତୀ ସିଇଓ ନିଯୁକ୍ତି ଦେବାକୁ ପ୍ରକ୍ରିୟା ଆରମ୍ଭ କରାଯାଇଛି । କମ୍ପାନୀର ପରିଚାଳନାରେ ବ୍ୟାଘାତ ସୃଷ୍ଟି ନ ହେବାକୁ ପରବର୍ତ୍ତୀ ସିଇଓ ନିଯୁକ୍ତି ପର୍ଯ୍ୟନ୍ତ ଆବିଡ ଅଲି ଏହି ପଦବୀରେ ରହିବେ ।
ସେହିପରି ୱିପ୍ରୋ ଚେୟାରମ୍ୟାନ ରିସାଦ ପ୍ରେମଜୀ ତାଙ୍କୁ ଧନ୍ୟବାଦ ଜଣାଇଛନ୍ତି । ରିସାଦ ପ୍ରେମଜୀ କହିଛନ୍ତି, ‘ୱିପ୍ରୋରେ ନେତୃତ୍ବ ଓ ଅବଦାନ ପାଇଁ ଆମେ ତାଙ୍କୁ ଧନ୍ୟବାଦ ଜଣାଉଛୁ । ସେ 4 ବର୍ଷ ଧରି ୱିପ୍ରୋକୁ ଦୃଢ ଭାବରେ ଗଢିବାରେ ସକ୍ଷମ ହୋଇଛନ୍ତି । ଆମେ ତାଙ୍କର ଉଜ୍ଜଳ ଭବିଷ୍ୟତ କାମନା କରୁଛି ।’
