ଗାଜିୟାବାଦ: ବାୟୁସେନାର ପ୍ରତିଷ୍ଠା ଦିବସରେ ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କ 51 ସ୍କ୍ବାଡ୍ରନକୁ ସମ୍ମାନିତ କରାଯାଇଛି । ଗତ ଫେବୃଆରୀ 27ରେ ପାକିସ୍ତାନର ଏଫ-16କୁ ମାରି ଖସାଇଥିବା କାରଣରୁ 51 ସ୍କ୍ବାଡ୍ରନକୁ ୟୁନିଟ ପ୍ରଶସ୍ତି ପତ୍ର ସମ୍ମାନ ଦିଆଯାଇଛି। ବାୟୁସେନା ମୁଖ୍ୟ ରାକେଶ ଭଦୋରିଆ ଏହି ସମ୍ମାନ ପ୍ରଦାନ କରିଛନ୍ତି ।
ଅନ୍ୟପକ୍ଷେ ବାୟୁସେନା ପ୍ରତିଷ୍ଠା ଦିବସରେ ଅଭିନନ୍ଦନ ମିଗ ଯୁଦ୍ଧ ବିମାନ ଉଡାଇବେ ବୋଲି ଜଣାପଡିଛି । ଗାଜିୟାବାଦର ହିଣ୍ଡୋନ ଏୟାର ବେସରେ ଆୟୋଜିତ ବାୟୁସେନା ଦିବସ ପରେଡରେ ଅଭିନନ୍ଦନ ଏହି ଯୁଦ୍ଧ ବିମାନ ଉଡାଇବେ । ଏହାସହ ତିନୋଟି ମିରାଜ 2000 ଏୟାରକ୍ରାଫ୍ଟ ଓ ଦୁଇଟି ସୁଖୋଇ-30 ଏମକେଆଇ ମଧ୍ୟ ଉଡିବ । ବାଲାକୋଟ ଏୟାରଷ୍ଟ୍ରାଇକ କରିଥିବା ପାଇଲଟ ଏହି ଯୁଦ୍ଧ ବିମାନ ଉଡାଇବେ।
