ଅଧିକାଂଶ ଲୋକଙ୍କ କପେ ଚା' ରେ ନିଦ ଛାଡେ। ଯେ ପର୍ଯ୍ୟନ୍ତ ବେଡ୍ ପାଖରୁ ଗରମ ଚା' କି କଫି ପହଞ୍ଚି ନାହିଁ ସେମାନଙ୍କ ଦିନ ଖରାପ ହୋଇଯାଏ। କିନ୍ତୁ ଆପଣଙ୍କ ଏହି ଅଭ୍ୟାସ କେତେ ଭଲ ଓ ଖରାପ ଜାଣିଛନ୍ତି କି ? ଏହାସହ ଚା ଓ କଫି ସହ ସକାଳର ଆରମ୍ଭ ସ୍ବାସ୍ଥ୍ୟ ପ୍ରତି କଣ ପ୍ରଭାବ ପକାଇଥାଏ ଅବଗତ ଅଛନ୍ତି କି ? ତେବେ ଜାଣି ରଖନ୍ତୁ ସକାଳର ଆରମ୍ଭ ଚା ଓ କଫି ସହ କରିବା ଏକ ଖରାପ ଅଭ୍ୟାସ। ଏହା କେବଳ ସ୍ବାସ୍ଥ୍ୟପ୍ରତି ଖରାପ ପ୍ରଭାବ ପକାଏ ତାହା ନୁହେଁ ବରଂ ଆପଣଙ୍କ ରକ୍ତଚାପ ଓ ହୃଦଘାତ୍ ସମସ୍ୟା ମଧ୍ୟ ବଢାଇଦିଏ।
1. ସକାଳ ସମୟରେ ଚା ଓ କଫି ପିଇବା ଦ୍ବାରା ରକ୍ତରେ ଶର୍କରା ପରିମାଣ ବୃଦ୍ଧି ପାଇଥାଏ। ଏହାସହ ଶରୀର ବିଭିନ୍ନ କୋଷକୁ ଜିରୋ ନ୍ୟୁଟ୍ରିସନ ପହଞ୍ଚିଥାଏ। ଏହାସହ ସକାଳ ସମୟରେ ଚା ପିଇବା ଦ୍ବାରା ଶରୀରରେ ଏସିଡ୍ ଆଲକାଲାଇନ ମାତ୍ରା ପ୍ରଭାବିତ ହୋଇଥାଏ। ଯାହା ଶରୀର ପାଇଁ କ୍ଷତିକାରକ।
2. ଚା ଓ କଫି ପିଇବା ଦ୍ବାରା ଭୋକ ମରି ଯାଇଥାଏ। ଯାହା ଫଳରେ ଏସିଡିକ୍ ପ୍ରୋବଲେମ୍ ଉଭା ହୋଇଥାଏ। ଯାହା ଶରୀରରେ କ୍ୟାଲେରୀ ମାତ୍ରାକୁ କମ କରିବା ସହ ପରବର୍ତ୍ତୀ ସମୟରେ ପ୍ରବଳ ଭୋକ ଲାଗିଥାଏ।
3. ସକାଳେ ଚା କିମ୍ବା କଫି ପିଇବା ଦ୍ୱାରା ଭୋକ ମରିଯାଏ, ଯେଉଁ କାରଣରୁ ଆପଣ ଦୀର୍ଘ ସମୟ ପର୍ଯ୍ୟନ୍ତ କିଛି ଖାଆନ୍ତି ନାହିଁ । ଏହି କାରଣରୁ, ମେଟାବୋଲିଜିମ୍ ଏବଂ ହଜମ ପ୍ରକ୍ରିୟା ଧୀରେ ଧୀରେ ପ୍ରଭାବିତ ହୁଏ । ମେଟାବୋଲିଜିମ୍ ସୁରକ୍ଷିତ ରଖିବା ପାଇଁ ସକାଳ ସମୟରେ ଜଳଖିଆ ଖାଇବା ଜରୁରୀ ।
4. ଚା ଓ କଫି ପିଇବା ଦ୍ବାରା ଅମ୍ଳ ଦୋଷ ବାହାରି ଥାଏ। ଖାଲି ପେଟରେ କଫିନ୍ ଖାଇବା ଦ୍ୱାରା ଗ୍ୟାଷ୍ଟ୍ରିକ୍ କୋଷଗୁଡ଼ିକ ଉତ୍ତେଜିତ ହୁଏ, ଯାହା ହୃଦଘାତ ଏବଂ ଏସିଡ୍ ରିଫ୍ଲକ୍ସ ସୃଷ୍ଟି କରିପାରେ।
5. ଚା’ରେ ମିଳୁଥିବା ଟେନିନ୍ ଶରୀରରେ ଆଇରନ ଅବଶୋଷଣକୁ ହ୍ରାସ କରିପାରେ। ଯଦିଓ ଅନେକ ଲୋକ ସକାଳେ ଚା କିମ୍ବା କଫି ଏକ ସତେଜ ଏବଂ ଶକ୍ତି ପାନୀୟ ପାଇପାରନ୍ତି, ଏହା ଜୈବିକ ପ୍ରକ୍ରିୟାରେ ବ୍ୟାଘାତ ଏବଂ ଅସୁବିଧା ସୃଷ୍ଟି କରିପାରେ।
