ନୂଆଦିଲ୍ଲୀ: ‘ଚେକ୍ ଇଟ୍ ବିଫୋର ୟୁ ସେୟାର ଇଟ୍’ ଏଜୁକେଶନ ଅଭିଯାନ ଲଞ୍ଚ କଲା ହ୍ବାଟ୍ସଆପ୍ । କୋରୋନା ଭାଇରସକୁ ନେଇ ଗୁଜବ ଖବର ପ୍ରଚାର ଉପରେ ରୋକ ଲଗାଇବା ନେଇ ମେସେଜିଙ୍ଗ୍ ଆପ୍ ହ୍ବାଟ୍ସଆପ ‘ଚେକ୍ ଇଟ୍ ବିଫୋର ୟୁ ସେୟାର ଇଟ୍’ ଏଜୁକେଶନ ଅଭିଯାନ ଲଞ୍ଚ କରିଛି ।
-ହ୍ବାଟ୍ସଆପ ଇଣ୍ଡିଆ ହେଡ୍ ଅଫ୍ ପବ୍ଲିକ ପଲିସି ଶିବନାଥ ଠୁକରାଲ କହିଛନ୍ତି ଯେ, ଏହି ଅଭିଯାନ ଏକ ସରଳ ରିମାଇଣ୍ଡର(ମନେ ପକାଇବା) ପରି କାମ କରିବ । ଯାହାଦ୍ବାରା ପ୍ରତ୍ୟେକ ହ୍ବାଟ୍ସଆପ ୟୁଜରଙ୍କ ଏହା ଦାୟିତ୍ବ ରହିବ ଯେ କୌଣସି ମେସେଜ ଫରୱାଡ କରିବା ପୁର୍ବରୁ ତାହାର ତଥ୍ୟକୁ ଦୁଇଥର ଯାଞ୍ଚ କରିବା । ଏଥିସହ ଏହି ଅଭିଯାନ ୟୁଜରମାନଙ୍କୁ ଅନେକ ଉପାୟ ମାଧ୍ୟମରେ ଗ୍ରହଣ କରୁଥିବା ମେସେଜ ବିଷୟରେ ଅଧିକ ସୂଚନା ଦେବ ।
-ଗତ ମାସରେ ହ୍ବାଟ୍ସଆପ୍ ମୋ ସରକାର ହେଲ୍ପଲାଇନ ନଂ919013151515 ଘୋଷଣା କରିଥିଲା ।
-ମୋ ସରକାର ହେଲ୍ପଲାଇନ ପ୍ରମୋଟ ଉଦ୍ଦେଶ୍ୟରେ ହ୍ବାଟ୍ସଆପ୍ ଅଭିଯାନ ଲୋକମାନଙ୍କୁ କୋରୋନା ସଂକ୍ରମଣ ବ୍ୟାପିବାରୁ ରୋକିବା ପାଇଁ ଘରେ ରହିବା, ହାତ ଧୋଇବା, ମୁହଁକୁ ସ୍ପର୍ଶ ନକରିବା ଏବଂ ସାମାଜିକ ଦୂରତା ବଜାୟ ରଖିବା ଭଳି ସତର୍କ କରାଇବ।
-ଲୋକମାନେ ଏହି ବିଜ୍ଞାପନଗୁଡିକୁ ଫେସବୁକ୍ ଏବଂ ଇନଷ୍ଟାଗ୍ରାମ ଜରିଆରେ ଦେଖିପାରିବେ ଏବଂ କେବଳ ଗୋଟିଏ ଟ୍ୟାପରେ ହେଲ୍ପଲାଇନକୁ ମେସେଜ କରିବେ ବୋଲି ହ୍ବାଟ୍ସଆପ କହିଛି ।
- କୋରୋନାକୁ ନେଇ ପ୍ରଚାର ହେଉଥିବା ଗୁଜବ ଖବରକୁ ରୋକିବା ପାଇଁ ଗତ ମାସରେ ହ୍ବାଟ୍ସଆପ ଏକ ମେସେଜକୁ ବାରମ୍ବାର ପଠାଇବା ପରିବର୍ତ୍ତେ ଜଣଙ୍କୁ ହିଁ ପଠାଇବାରେ ସିମିତ ରଖିଛି ବୋଲି ହ୍ବାଟ୍ସଆପ କହିଛି ।
- କୋରୋନା ଗୁଜବକୁ ନେଇ ଭାରତରେ ଘଟିଥିବା ବିଭିନ୍ନ ଭିଡହିଂସା ପାଇଁ ହ୍ବାଟ୍ସଆପକୁ ଯାଞ୍ଚର ସାମ୍ନା କରିବାକୁ ପଡିଛି ।
- କୋରୋନା ମହାମାରୀ ମଧ୍ୟରେ 90 ପ୍ରତିଶତ ମେସେଜ ଦୁଇ ଜଣ ୟୁଜରଙ୍କ ମଧ୍ୟରେ ପଠାଯାଇଛି । ଯାହା ସର୍ବାଧିକ ଭଏସ ଏବଂ ଭିଡିଓ କଲ ମାଧ୍ୟମରେ ପଠାଯାଇଛି ।
