କୋଲକାତା: ନିଜ ପୁରୁଣା ନିଷ୍ପତ୍ତି ବଦଳାଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ପୂର୍ବରୁ ପଜିଟିଭ ରୋଗୀ ଘରେ ରହିପାରିବେ ବୋଲି କହିଥିଲେ ମମତା । ହେଲେ ଏବେ ନିଷ୍ପତ୍ତି ବଦଲାଇବା ସହ ଆକ୍ରାନ୍ତମାନେ ହସ୍ପିଟାଲ ଆସିବା ବାଧ୍ୟତାମୂଳକ ବୋଲି କହିଛନ୍ତି ।
ଏନେଇ ରାଜ୍ୟ ସ୍ବାସ୍ଥ୍ୟ ବିଭାଗ ସ୍ପଷ୍ଟ କରିଛି । ଏଣିକି କୋଭିଡ-19 ପଜିଟିଭଙ୍କୁ ବାଧ୍ୟତାମୂଳକ ଭାବେ ଡାକ୍ତରଖାନାକୁ ଅଣାଯିବ । କେବଳ ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିବିଶେଷ, ଘର ଲୋକେ ହୋମ୍ କ୍ବାରେଣ୍ଟାଇନରେ ରହିପାରିବେ ।
ସୂଚନାଯୋଗ୍ୟ, ଏହାପୂର୍ବରୁ ମମତା ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଥିଲେ ଯେ କୋରୋନା ପଜିଟିଭ ଲୋକେ ନିଜ ଘରେ ହୋମ୍ କ୍ବାରେନଣ୍ଟାଇନରେ ରହିପାରିବେ । ବର୍ତ୍ତମାନ ସୁଦ୍ଧା ରାଜ୍ୟରେ 649 ଆକ୍ରାନ୍ତ ସ୍ପଷ୍ଟ ହୋଇଛନ୍ତି । ସେହିପରି 20 ଜଣଙ୍କର ମୃତ୍ୟୁ ହୋଇଛି ।
ସୌଜନ୍ୟ@ANI
