ନୂଆଦିଲ୍ଲୀ: ନ୍ୟୁୟର୍କରୁ ଫେରିଲେ 327 ଭାରତୀୟ । ବନ୍ଦେ ଭାରତ ମିଶନର ଦ୍ବିତୀୟ ପର୍ଯ୍ୟାୟରେ ଏୟାର ଇଣ୍ଡିଆ ବିମାନ ଯୋଗେ 327 ଭାରତୀୟ ଶୁକ୍ରବାରସକାଳ 10.30 ସମୟରେ ଦିଲ୍ଲୀ ଏୟାରପୋର୍ଟରେ ପହଞ୍ଚିଛନ୍ତି । ଏହାପରେ ବିମାନଟି ଚଣ୍ଡିଗଡ଼ ଅଭିମୁଖେ ଯାତ୍ରା କରିବ।
327 ଭାରତୀୟଙ୍କ ମଧ୍ୟରୁ 227 ଭାରତୀୟ ନାଗରିକ ଦିଲ୍ଲୀ ପହଞ୍ଚିଥିବା ବେଳେ 100 ଯାତ୍ରୀ ଚଣ୍ଡିଗଡ଼ ଅଭିମୁଖେ ଯାତ୍ରା କରିବେ।
ଆଗାମୀ ମେ 25ରେ ନ୍ୟୁୟର୍କରୁ ପରବର୍ତ୍ତୀ ବିମାନ ଆସିବ । ଯେଉଁଥିରେ ଯାତ୍ରୀମାନେ ବେଙ୍ଗାଲୁରୁ ଯାତ୍ରା କରିବେ । ଯାହାକି ଭାରତର ସବୁଠାରୁ ଅଧିକ ସଂଖ୍ୟକ ଯାତ୍ରୀ ଫେରିପାରିବେ ।
ଗତ ଗୁରୁବାର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ୍ ସିଂ ପୁରୀ କହିଥିଲେ ଯେ, ବନ୍ଦେ ଭାରତ ମିଶନ ଅଧୀନରେ 20 ହଜାରରୁ ଅଧିକ ଭାରତୀୟ ନାଗରିକ ଦେଶକୁ ଫେରିଛନ୍ତି । ଯାହା ଆଗକୁ ଆହୁରି ବୃଦ୍ଧି ହେବ ।
ପ୍ରକାଶ ଥାଉକି, ବନ୍ଦେଭାରତ ମିଶନ ପ୍ରଥମ ପର୍ଯ୍ୟାୟ ମେ 7ରୁ ଆରମ୍ଭ ହୋଇଥିବା ବେଳେ ଦ୍ବିତୀୟ ପର୍ଯ୍ୟାୟ ମେ 16ରୁ ଆରମ୍ଭ ହୋଇଛି ।
