ଲକ୍ଷ୍ନୌ: ବାରଣାସୀରେ ଭାରତୀୟ ଜନତା ପାର୍ଟିର ତିନି ଥରର ବିଧାୟକ ରହିଥିବା ମାୟାଶଙ୍କର ପାଠକଙ୍କ ଉପରେ ଦୁର୍ବ୍ୟବହାର ଅଭିଯୋଗ । ରବିବାର ଦିନ ଫେସବୁକରେ ପୂର୍ବତନ ବିଧାୟକଙ୍କୁ ପିଟାଯାଉଥିବାର ଭିଡିଓ ଭାଇରାଲ ହେଲା ପରେ ରାଜନୀତି ସରଗରମ ହୋଇଛି ।
ଉକ୍ତ ଭିଡିଓକୁ ଉତ୍ତରପ୍ରଦେଶର ବରିଷ୍ଠ ଆଇପିଏସ ଅଫିସର ଅମିତାଭ ଠାକୁର ଟ୍ବିଟ କରି ବାରଣାସୀ ପୋଲିସଙ୍କୁ ବିଧାୟକଙ୍କ ଉପରେ କାର୍ଯାନୁଷ୍ଠାନ ଗ୍ରହଣ କରିବାକୁ କହିଛନ୍ତି । ପୋଲିସ ପକ୍ଷରୁ କୁହାଯାଇଛି ଯେ, ଏହି ମାମଲାର ଯାଞ୍ଚ ଚୌବେପୁର ଥାନା ପୋଲିସଙ୍କୁ ଦିଆଯାଇଛି ।
ଭାଇରାଲ ହୋଇଥିବା ଭିଡିଓ ଅନୁସାରେ, ବିଧାୟକଙ୍କ ଉପରେ ତାଙ୍କ କଲେଜର ଛାତ୍ରୀଙ୍କ ଉପରେ ଦୁର୍ବ୍ୟବହାର କରିଥିବାର ଅଭିଯୋଗରେ କିଛି ଲୋକ ଗାଳିଗୁଲଜ କରି ତାଙ୍କୁ ଚାପୁଡା ମାରୁଛନ୍ତି । ଏହି ଭିଡିଓରେ ପୂର୍ବତନ ବିଧାୟକ ନିଜର ଭୁଲ ମଧ୍ୟ ସ୍ବୀକାର କରୁଛନ୍ତି ।
ଅନ୍ୟପଟେ ଏହି ମାମଲାରେ କ୍ଷେତ୍ରାଧିକାରୀ ପିଂଡରା ଅଭିଷେକ କୁମାର ପାଣ୍ଡେୟ କହିଛନ୍ତି ଯେ, ସୋସିଆଲ ମିଡିରେ ଭାଇରାଲ ହେଉଥିବା ଭିଡିଓ ବିଷୟରେ ଜଣା ପଡିଛି । ଭିଡିଓର ଯାଞ୍ଚ ହେଉଛି । କିନ୍ତୁ, ବର୍ତ୍ତମାନ ସୁଦ୍ଧା ସମ୍ପୃକ୍ତ ବିଧାୟକ କିମ୍ବା ଦୁର୍ବ୍ୟବହାର ଶୀକାର ହୋଇଥିବା ଝିଅ ପକ୍ଷରୁ କୌଣସି ଅଭିଯୋଗ ହୋଇନାହିଁ । ଯାଞ୍ଚ ରିପୋର୍ଟ ଆସିଲା ପରେ ପରବର୍ତ୍ତି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପାଣ୍ଡେୟ କହିଛନ୍ତି ।
