ଲକ୍ଷ୍ନୌ: ଉତ୍ତରପ୍ରଦେଶ ହାଥରସ ଗଣଦୁଷ୍କର୍ମ ଘଟଣାକୁ ନେଇ ସାରା ଦେଶରେ ଆକ୍ରୋଶର ମାହୋଲ । ମଙ୍ଗଳବାର ବିଳମ୍ବିତ ରାତିରେ ପୀଡିତାଙ୍କର କରାଯାଇଥିଲା ଅନ୍ତିମ ସଂସ୍କାର । ଏବେ ଏହି ମାମଲାରେ ଏସଆଇଟି ଟିମ ଗଠନ ହୋଇଛି । ଏହା ମଧ୍ୟରେ ପୀଡିତାଙ୍କ ପରିବାର ସହ ଭିଡିଓ କନଫରେନ୍ସରେ କଥା ହୋଇଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।
ହାଥରସ ପୀଡିତାଙ୍କ ପରିବାରକୁ 25 ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରିଛନ୍ତି ଉତ୍ତରପ୍ରଦେଶ ସରକାର । ଏହାସହ ଗୋଟିଏ ଘର ଓ ପରିବାରର ଜଣେ ସଦସ୍ୟଙ୍କୁ ଚାକିରୀର ପ୍ରତିଶୃତି ମଧ୍ୟ ଦିଆଯାଇଛି ।
ଅନ୍ୟପକ୍ଷେ ଘଟଣାକୁ ଗମ୍ଭୀରତାର ସହ ନେଇ ଉତ୍ତରପ୍ରଦେଶର ମୁଖ୍ୟଶାସନ ସଚିବ ଓ ଡିଜିପିଙ୍କୁ ନୋଟିସ ଜାରି କରିଛନ୍ତି ରାଷ୍ଟ୍ରୀୟ ମାନବାଧିକାର କମିଶନ । ଘଟଣାରେ ତୁରନ୍ତ ରିପୋର୍ଟ ପ୍ରଦାନ କରିବାକୁ କମିଶନ ପକ୍ଷରୁ କୁହାଯାଇଛି ।
