ୱାଶିଂଟନ: ଏକ ହ୍ରଦ ଉପରେ ଦୁଇ ବିମାନ ଦୁର୍ଘଟଣାଗ୍ରସ୍ତ । ଅତିକମରେ 8 ଜଣଙ୍କ ମୃତ୍ୟୁ ଘଟିଥିବା ଆଶଙ୍କା । ଆମେରିକାର ଇଦାହୋ ରାଜ୍ୟରେ ଏକ ହ୍ରଦ ଉପରେ ଦୁଇଟି ବିମାନ ଦୁର୍ଘଟଣାଗ୍ରସ୍ତ ହୋଇଛନ୍ତି । ଏଥିଲେ ଅତି କମରେ 8 ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି ।
କୁଟେନାଇ କାଉଣ୍ଟି ସରିଫ୍ କାର୍ଯ୍ୟାଳୟର ଲେଫ୍ଟ ରିୟାନ୍ କହିଛନ୍ତି ଦୁଇଟି ବିମାନ ଧକ୍କା ହେବା ପରେ ତୁରନ୍ତ ଏକ କଲ ଆସିଥିଲା। ପରେ ଉଦ୍ଧାରକାରୀ ଦଳ ବିମାନ ଦୁଇଟିକୁ ଠାବ କରିଛି ଏବଂ ପାଣି ଭିତରୁ ଦୁଇଜଣଙ୍କ ମୃତଦେହ ଉଦ୍ଧାର କରିଛି । ବାକି 6ଜଣ ନିଖୋଜ ଅଛନ୍ତି ।
ବିଭିନ୍ନ ଗଣମାଧ୍ୟମ ରିପୋର୍ଟ ଅନୁସାରେ, ସ୍ଥାନୀୟ ସମୟ ଦିନ ୨: ୨୦ ମିନିଟ୍ରେ ଏହି ବିମାନ ଦୁର୍ଘଟଣା ଘଟିଥିଲା । ଏହି ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ମଧ୍ୟରେ ଜଣେ ଶିଶୁ ଏବଂ ବୟସ୍କ ମଧ୍ୟ ଅଛନ୍ତି । ତେବେ ଏହି ଧକ୍କା ହେବାର କାରଣ କିମ୍ବା ପ୍ରତ୍ୟେକ ବିମାନରେ ବସିଥିବା ଲୋକଙ୍କ ସଂଖ୍ୟା ଅନୁସନ୍ଧାନକାରୀମାନେ ଏପର୍ଯ୍ୟନ୍ତ ସ୍ଥିର କରି ନାହାଁନ୍ତି ।
