ନୂଆଦିଲ୍ଲୀ: ପ୍ରକାଶ ପାଇଲା ୨୦୧୮ ୟୁପିଏସସି ସିଭିଲ ସର୍ଭିସ ପରୀକ୍ଷାଫଳ ଫଳ । ଏହି ପରୀକ୍ଷାରେ କନିଷ୍କ କଟାରିଆ ଟପ କରିଛନ୍ତି । ସେହିପରି ପଞ୍ଚମ ସ୍ଥାନ ଅଧିକାର କରିଥିବା ଶ୍ରୁତି ଜୟନ୍ତ ଦେଶମୁଖ ମହିଳାଙ୍କ ମଧ୍ୟରେ ଟପ କରିଛନ୍ତି ।
ଛତିଶଗଡର ନକ୍ସଲ ପ୍ରଭାବିତ ଅଞ୍ଚଳ ଦାନ୍ତେୱାଡା ନିବାସୀ ନମ୍ରତା ଜୈନଙ୍କୁ ମିଳିଛି ଦ୍ବାଦଶ ସ୍ଥାନ । ପରୀକ୍ଷାର୍ଥୀମାନେ https://upsc.gov.in/ ଲିଙ୍କରେ କ୍ଲିକ କରି ନିଜ ପରୀକ୍ଷା ଫଳ ଜାଣି ପାରିବେ ।
ଏଥର ଫାଇନାଲ ରେଜଲ୍ଟରେ ୭୫୯ ପରୀକ୍ଷାର୍ଥୀ ଉତ୍ତୀର୍ଣ୍ଣ ହେବାରେ ସଫଳ ହୋଇଛନ୍ତି । ସାଧାରଣ ବର୍ଗରେ ୩୬୧, ଓବିସିରେ ୨୦୯, ଏସସିରେ ୧୨୮ ଓ ଏସଟି ବର୍ଗରେ ୬୧ ଜଣ ପରୀକ୍ଷାର୍ଥୀ ସାମିଲ ଅଛନ୍ତି ।
