ନୂଆଦିଲ୍ଲୀ: ଉନ୍ନାଓ ଗଣଦୁଷ୍କର୍ମ ମାମଲାରେ ଡ଼ିସେମ୍ବର 20କୁ ରାୟ ସଂରକ୍ଷିତ ରଖିଲେ କୋର୍ଟ । ବହୁଚର୍ଚ୍ଚିତ ୨୦୧୭ର ଉନ୍ନାଓ ଗଣଦୁଷ୍କର୍ମ ମାମଲାରେ ବିଜେପିର ପୂର୍ବତନ ବିଧାୟକ କୁଲଦୀପ ସିଂ ସେନ୍ଗାରଙ୍କୁ ସୋମବାର କୋର୍ଟ ଦୋଷୀ ସାବ୍ୟସ୍ତ କରିଛନ୍ତି । ଆଜି କୋର୍ଟ ଦଣ୍ଡବିଧାନ କରିବାକୁ ଥିବାବେଳେ 20 ତାରିଖକୁ ଶୁଣାଣି ଘୁଞ୍ଚାଇଛନ୍ତି ।
ଦିଲ୍ଲୀର ତିସ୍ ହଜାରୀ କୋର୍ଟ ଏହାର ରାୟ ପ୍ରକାଶ କରିବେ ବୋଲି ଜଣାପଡିଛି । ମଙ୍ଗଳବାର ଦଣ୍ଡକୁ ନେଇ ଦୁଇପକ୍ଷଙ୍କ କଥା ଶୁଣିବା ପରେ କୋର୍ଟ ଏହାକୁ ସଂରକ୍ଷିତ ରଖିଛନ୍ତି । କୁଲଦୀପଙ୍କୁ ଆଜୀବନ କାରାଦଣ୍ଡ ହେବାକୁ ନେଇ କୋର୍ଟରେ ଦାବି କରିଛି ସିବିଆଇ ।
ଆଇନ୍ ଅନୁଯାୟୀ ସେନ୍ଗାରଙ୍କୁ ଆଜୀବନ ଜେଲଦଣ୍ଡ ହୋଇପାରେ । ଅନ୍ୟପଟେ ପୀଡିତାଙ୍କ ଓକିଲ ଦୋଷୀ ସେନ୍ଗାରଙ୍କୁ ସର୍ବାଧିକ ଦଣ୍ଡ ବିଧାନ ପାଇଁ ଦାବି କରିଛନ୍ତି । ସୂଚନା ଅନୁଯାୟୀ କୁଲଦୀପ ସିଂ ବିଜେପିର ପୂର୍ବତନ ବିଧାୟକ ରହିଥିଲେ । ଏହି ଘଟଣା ପରେ ଦଳରୁ ତାଙ୍କୁ ବହିଷ୍କାର କରାଯାଇଛି ।
