ନୂଆଦିଲ୍ଲୀ: ବୁଧବାର ବିଶ୍ବ ଖାଦ୍ୟ ଦିବସ ଦେଶ ପାଳୁଥିବା ବେଳେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡଃ ହର୍ଷବର୍ଦ୍ଧନ ଦେଶବାସୀଙ୍କ ହେଲ୍ଥ ଟିପ୍ସ ଦେଇଛନ୍ତି । ସେ କହିଛନ୍ତି, ଦେଶକୁ ହିଟ କରିବାକୁ ହେଲେ ପ୍ରଥମେ ନିଜେ ଫିଟ୍ ରହିବା ଦରକାର । ତେବେ ଏଥିପାଇଁ କମ୍ ଖାଦ୍ୟ ତଥା ଆବଶ୍ୟକତା ଅନୁଯାୟୀ ଖାଇବାକୁ ପରାମର୍ଶ ଦେଇଛନ୍ତି ସ୍ବାସ୍ଥ୍ୟମନ୍ତ୍ରୀ । କାରଣ ରୋଗାଗ୍ରସ୍ତ ହେବାର ମୁଖ୍ୟ କାରଣ ହେଉଛି ମୋଟାପଣ । ମୋଟା ହେବା ଆଗରୁ କମ୍ ଖାଦ୍ୟ ଗ୍ରହଣ କରିବା ଦରକାର ବୋଲି ସେ କହିଛନ୍ତି ।
ବିଶ୍ବ ଖାଦ୍ୟ ଦିବସର ଏକ କାର୍ଯ୍ୟକ୍ରମରେ ଯୋଗଦେଇ ସ୍ବାସ୍ଥ୍ୟମନ୍ତ୍ରୀ କହିଛନ୍ତି ଯେ, ଗୋଟିଏ ମଣିଷ ତା'ର ଆବଶ୍ୟକତା ଅନୁସାରେ ଖାଦ୍ୟ ଗ୍ରହଣ କରିବା ଦରକାର । କିଛି ଖାଦ୍ୟ କମ ଖାଇବା ଦରକାର ଯାହା ସ୍ବାସ୍ଥ୍ୟ ପାଇଁ ହିତକାରକ ରହିବ ବୋଲି ସେ କହିଛନ୍ତି । ଉଦାହରଣ ସୂରୁପ- ଚିନି, ଲୁଣ ଓ ତୈଳ ଜାତୀୟ ଖାଦ୍ୟ । ଏହି ଖାଦ୍ୟ କମ ଖାଇବା ଦ୍ବାରା ହୃଦଘାତ ଭଳି ରୋଗରୁ ମୁକ୍ତି ମିଳିପାରିବ ।
ଏକ କାର୍ଯ୍ୟକ୍ରମରେ ଏଫଏସଏସଏଆଇର ଶୀର୍ଷ ଅଧିକାରୀ ଯୋଗ ଦେଇ କହିଛନ୍ତି ଯେ, ଖାଦ୍ୟର ପରିଭାଷା ବଦଳିବା ଦରକାର । ଗୋଟେପଟେ ଭୋକିଲା ଲୋକଙ୍କ ପେଟ ପୁରାଇବାରେ ଅଛି ଅନ୍ୟପଟେ ସେହିଠାରେ ଖରାପ ଖାଦ୍ୟ ଖାଇ କୁପୋଷଣର ଶୀକାର ହୋଇଥିବା ଲୋକଙ୍କୁ ସୁସ୍ଥ କରିବାରେ ବି ଅଛି । ସେଥିପାଇଁ ଶରୀର ପାଇଁ ଯାହା ହିତକର ସେହି ଖାଦ୍ୟ ଖାଇବା ଉଚିତ ବୋଲି ବିଶ୍ବ ଖାଦ୍ୟ ଦିବସ ଅବସରରେ ମତ ପ୍ରକାଶ ପାଇଛି ।
