ନୂଆଦିଲ୍ଲୀ: ବିଜେପି ନେତ୍ରୀ ଉମା ଭାରତୀଙ୍କ ଗୋଡରେ ଲାଗିଲା ଆଘାତ। ଋଷିକେଶର ଏକ ଆଶ୍ରମରେ ପାହାଚ ଚଢୁଥିବା ବେଳେ ପାଦ ଖସିଯିବା ପରେ ଗୋଟ ଭାଙ୍ଗିଥିବା ସୂଚନାମିଳିଛି । ତାଙ୍କୁ ଗୁରୁତର ଅବସ୍ଥାରେ ହିମାଳୟ ହସ୍ପିଟାଲରେ ଭର୍ତ୍ତି କରାଯାଇଛି ।
ଉମାଙ୍କର ବାମ ଗୋଡର ଦୁଇଟି ସ୍ଥାନରେ ଭାଙ୍ଗିଥିବା ଏକ୍ସରେ ରିପୋର୍ଟରୁ ଜଣାପଡିଛି। ଦେଢ ମାସ ପର୍ଯ୍ୟନ୍ତ ଗୋଡରେ ପ୍ଲାଷ୍ଟର ରହିବା ସହ ସମ୍ପୂର୍ଣ୍ଣ ବିଶ୍ରାମ ପାଇଁ କହିଲେ ଡାକ୍ତର । ଏନେଇ ଟ୍ବିଟ କରି ଜଣାଇଛନ୍ତି ଉମା ଭାରତୀ। ରବିବାର ଅପରାହ୍ନରେ ଘଟିଥିଲା ଏହି ଘଟଣା ।
ହେଲେ ରାତିରେ ଗୋଡରେ ଅଧିକ ଯନ୍ତ୍ରଣା ହେବାରୁ ସୋମବାର ସକାଳୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ସେ ଡାକ୍ତରଙ୍କ ତତ୍ତ୍ବାବଧାନରେ ରହିବେ ବୋଲି ସୂଚନା ମିଳିଛି। ବର୍ତ୍ତମାନ ତାଙ୍କୁ ଏକ ଡାକ୍ତରୀ ଟିମ ଚିକିତ୍ସା କରୁଥିବା ଜଣାପଡିଛି ।
