ଗାଜିଆବାଦ: ଏହି ସହରରୁ ଆସିଛି ଏମିତି ଏକ ଆଶ୍ଚର୍ଯ୍ୟଜନକ ଘଟଣାର ଖବର । ଗୋଟିଏ ନମ୍ବର ପ୍ଲେଟର ଦୁଇ ଦୁଇଟି ବିଳାସମୟ ଗାଡି ଦେଖିବାକୁ ମିଳିଛି । ଏମିତିକି ରଙ୍ଗ ମଧ୍ୟ ଗୋଟିଏ । ଯାହାକୁ ନେଇ ଏବେ ସାରା ଅଞ୍ଚଳରେ ଜୋରଦାର ଚର୍ଚ୍ଚା ।
ସୂଚନା ଅନୁଯାୟୀ, ଗାଜିଆବାଦ ଟ୍ରାଫିକ ପୋଲିସ ଭଭୟ ଗାଡିକୁ ଚେକିଂ ସମୟରେ ଧରିଥିଲା । ତେବେ ଟ୍ରାଫିକ ପୋଲିସ ସେତେବେଳେ ହତବାକ ହୋଇଥିଲେ ଯେତେବେଳେ ଗାଡିର କଲର ସହ ମଡେଲ ଓ ନମ୍ବର ପ୍ଲେଟ ଦେଖିଥିଲେ ।
କଲର ଓ ମଡେଲ ସମାନ ରହିଥିଲେ କୌଣସି ଅସୁବିଧା ଉପୁଜିନଥାନ୍ତା ମାତ୍ର ନମ୍ବର ପ୍ଲେଟ ଦେଖି ଅକଲଗୁଡୁମ ହୋଇଯାଇଥିଲା ଟ୍ରାଫିକ ପୋଲିସଙ୍କ ମୁଣ୍ଡ । ଗୋଟିଏ ନମ୍ବରରେ କେମିତି ଦୁଇଟି ଗାଡି ରହିଲା ତାକୁ ନେଇ ଏବେ ପ୍ରଶ୍ନ ଉଠିଥିବା ବେଳେ ଏହି ମାମଲା ଏବେ ଥାନାରେ ପହଞ୍ଚିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
